সৰুপথাৰ,১৫ জুন : ৰাজ্যত পূৰ্বতকৈ কৰ'ণা (Corona) আক্ৰান্তৰ হাৰ হ্ৰাস হৈছে যদিও কিছুমান জিলাত অব্যাহত আছে দ্ৰুত সংক্ৰমণ । বহু স্থানত কৰ'ণা আক্ৰান্ত ৰোগীৰ সংখ্যা বৃদ্ধি পোৱাৰ প্ৰতি লক্ষ্য ৰাখি কণ্টেইনমেণ্ট জ'ন ঘোষণা কৰা হৈছে । গোলাঘাট জিলাৰ সৰুপথাৰ সমষ্টিত শেহতীয়াকৈ কেইবাটাও স্থানত কৰ'ণা ৰোগীৰ সংখ্যা বৃদ্ধি পোৱাত নতুনকৈ কণ্টেইনমেণ্ট জ'ন ঘোষণা কৰা হৈছে ।
কণ্টেইনমেণ্ট জ'নত (Containment Zone) থকা আক্ৰান্ত পৰিয়ালক সহায়ৰ বাবে বিশেষ ব্যৱস্থা গ্ৰহণ কৰিলে সৰুপথাৰৰ বিধায়ক বিশ্বজিৎ ফুকনে । বিধায়কগৰাকীৰ নেতৃত্বত সোমবাৰে সমষ্টিটোৰ অন্তৰ্গত পূৱ বৰপথাৰ আৰু পশ্চিম বৰপথাৰ গাঁও পঞ্চায়তৰ অন্তৰ্গত ক'ভিড (Covid) আক্ৰান্ত কেইবাটাও পৰিয়ালৰ মাজত খাদ্য সামগ্ৰী বিতৰণ কৰা হয় । বিধায়ক গৰাকীৰ নেতৃত্বত তেওঁ দলীয় কৰ্মীসকলে আক্ৰান্ত পৰিয়ালসমূহৰ ঘৰে ঘৰে গৈ বিতৰণ কৰে খাদ্য সামগ্ৰী ।
লগতে পঢ়ক: টেঙাখাটত আৰ্তজনৰ কাষত এগৰাকী মানৱদৰদী
