গোলাঘাট,3 ডিচেম্বৰ : মঙলবাৰে পুৱতি নিশা গোলাঘাট জিলাৰ ঢেকিয়ালৰ আধলিচুকত পিঞ্জৰাবদ্ধ হ'ল এটা নাহৰফুটুকী ৷ বন বিভাগৰ সহযোগত স্থানীয় ৰাইজে স্থাপন কৰা পিঞ্জৰাত আবদ্ধ হয় নাহৰফুটুকী ৷ অঞ্চলটোত দীৰ্ঘদিনৰ পৰা নাহৰফুটুকীটোৱে ৰাইজৰ পোহনীয়া গৰু,ছাগলী,গাহৰি আদি ভক্ষণ কৰি সন্ত্ৰাস চলাই আহিছিল বুলি জানিব পৰা গৈছে ৷
লক্ষণীয়ভাৱে যোৱা চাৰিটা বছৰত মুঠ ৫ টা বাঘ পিঞ্জৰাবদ্ধ হৈছে গোলাঘাটৰ আধলিচুক অঞ্চলত। আনহাতে, ৰাইজৰ অভিযোগ, বন বিভাগে কেৱল পিঞ্জৰাটোহে যোগান ধৰে,বাঘ পিঞ্জৰাবদ্ধ কৰিবলৈ প্ৰয়োজনীয় ছাগলী ৰাইজে ধন সংগ্ৰহ কৰি ক্ৰয় কৰিব লাগে। ইফালে অঞ্চলটোত আৰু কেইবাটাও বাঘ থকাৰ সন্দেহ প্ৰকাশ কৰিছে স্থানীয় ৰাইজে ৷
গোলাঘাটত নাহৰফুটুকী পিঞ্জৰাবদ্ধ
আৰু পঢ়ক : মুম্বাইত ৰাষ্ট্ৰীয় সুৰক্ষা বাহিনীৰ মকড্ৰিল
