ল’ক ডাউন: ৰবি শস্যৰ ওপৰত পৰিছে ঋণাত্মক প্ৰভাৱ

খুমটাইৰ বুটলিখোৱা গাঁৱৰ বিপ্লৱ শইকীয়া আৰু জীতেন শৰ্মা নামৰ দুজন শিক্ষিত যুৱকে প্ৰায় ৭০ বিঘা মাটিত ৰবি শস্যৰ কৰিছিল । ল’ক ডাউনৰ ফলত সকলো শস্য নষ্ট হৈ পৰিছে । ইয়াৰ ফলত তেওঁলোকৰ জীৱনলৈ নামি আহিছে কাল অমানিশা ।

খুমটাই, 30 মাৰ্চ : কৰ’ণা ভাইৰাছৰ বাবে প্ৰধানমন্ত্ৰী নৰেন্দ্ৰ মোদীয়ে ২১ দিনীয়া ল’ক ডাউন ঘোষণা কৰাৰ ফলত যথেষ্ট সমস্যাৰ সন্মুখীন হৈছে ৰাজ্যৰ কৃষকসকল ৷ খুমটাইৰ বুটলীখোৱা গাঁৱৰ বিপ্লৱ শইকীয়া আৰু জীতেন শৰ্মা নামৰ দুগৰাকী শিক্ষিত যুৱকে প্ৰায় ৭০ বিঘা মাটিত কৰিছিল ৰবি শস্যৰ খেতি ৷ কিন্তু সমগ্ৰ ভাৰতবৰ্ষ ল’ক ডাউনৰ ফলত খেতিয়ক দুজনৰো জীৱনলৈ নামি আহিছে কাল অমানিশা ৷

খেতিপথাৰতেই গেলি গৈছে হাজাৰ হাজাৰ ৰঙালাউ, বিলাহী আদি ৷ যুৱকদ্বয়ে এই কৃষিকৰ্মৰ বাবে ধাৰ-ঋণ লৈ এতিয়া উৎপাদিত কৃষি সামগ্ৰীসমূহ বিক্ৰী কৰিব নোৱাৰি মুৰে কপালে হাত দিব লগা হৈছে ৷ খুমটাইত সেউজ বিপ্লৱৰ সূচনা কৰা এই দুজন যুৱকৰ চকুত এতিয়া চকুপানীহে নিগৰিছে ৷ তেওঁলোকৰ এতিয়া চৰকাৰ তথা কৃষি বিভাগলৈ অনুৰোধ কিবা এটা সাহাৰ্য প্ৰদানৰ ব্যৱস্থা কৰক তেওঁলোকক ৷ অন্যথা যথেষ্ট সমস্যাৰ সন্মুখীন হ’ব তেওঁলোক ৷

লগতে পঢক : লক ডাউনঃ দেশৰ বিভিন্ন চহৰ-মহানগৰত থকা প্ৰবাসী শ্ৰমিকৰ শেহতীয়া পৰিস্থিতি