গোলাঘাট,10নৱেম্বৰঃ নুমলীগড় আৰক্ষীৰ জালত পৰিল হাৰিয়ানাৰ আন্তঃৰাজ্যিক হেকাৰ ৷ নুমলীগড় আৰক্ষীৰ ভাৰপ্ৰাপ্ত বিষয়া মাধুৰ্য্য দাধৰাৰ নেতৃত্বত যোৱা এটা আৰক্ষীৰ দলে হাৰিয়ানা আৰক্ষীৰ সহযোগত কুখ্যাত আন্তঃৰাজ্যিক হেকাৰ ফৰিদ আলি নামৰ ২৯ বছৰীয়া যুৱকজনক গ্ৰেপ্তাৰ কৰিবলৈ সক্ষম হয় ।
জানিব পৰা মতে, তিনিমাহ পূৰ্বে নুমলীগড় শোধনাগাৰৰ কৰ্মচাৰী শিৱব্ৰত পৰিডা নামৰ এগৰাকী ব্যক্তিৰ একাউন্টৰ পৰা বহু পৰিমাণৰ ধন অন্তৰ্ধান হৈছিল ৷ ইয়াৰ পিছতে এই সন্দৰ্ভত এজাহাৰ দাখিল কৰিছিল ব্যক্তিগৰাকীয়ে ৷ এই এজাহাৰৰ ভিত্তিত তদন্ত কৰি আৰক্ষীয়ে হাৰিয়ানাৰৰ পৰা হেকাৰ ফৰিদ আলিক গ্ৰেপ্তাৰ কৰে ৷ ইতিমধ্যে হেকাৰ ফৰিদক জেল হাজোতলৈ প্ৰেৰণ কৰা হৈছে ৷ উল্লেখযোগ্য যে, ইয়াৰ পূৰ্বেও বিভিন্ন সময়ত বহু লোকৰ বেংক একাউণ্ট হেক কৰি ধন সৰকাইছিল ফৰিদে ৷
লগতে পঢ়কঃ পৰ্যটকৰ বাবে মুকলি হ'ল পবিতৰা
