সৰুপথাৰ, 26 ছেপ্তেম্বৰ : গোলাঘাটৰ চুঙাজানত শনিবাৰে হেৰ’ইন(Heroin)সহ আটক এজন যুৱক ৷ জিলাখনৰ চুঙাজান আৰক্ষী থানাৰ অন্তৰ্গত নাওঘাটৰ পৰা আটক কৰা হয় বহিঃৰাজ্যৰ যুৱকজনক ৷ ধনশিৰি মহকুমা আৰক্ষী বিষয়া ত্ৰিনয়ন ভূঞাৰ নেতৃত্বত এটি আৰক্ষীৰ দলে চলাইছিল নিচাযুক্ত সামগ্ৰীৰ বিৰুদ্ধে অভিযান ৷
ধৃত যুৱকজনৰ নাম চিৰাজুল আলী(23) আৰু তেওঁৰ ঘৰ নাগালেণ্ডৰ ডিমাপুৰৰ সাতমাইলত বুলি জানিব পৰা গৈছে ৷ যুৱকজনৰ পৰা প্ৰায় 1.68 গ্ৰাম ওজনৰ হেৰ’ইন আৰু এটা ম’বাইল ফোন জব্দ কৰে আৰক্ষীয়ে । আটকাধীন যুৱকজনৰ বিৰুদ্ধে ইতিমধ্যে চুঙাজান আৰক্ষীয়ে 20/21, E/AS22(B)27 নম্বৰত গোচৰ ৰুজু কৰি তদন্ত আৰম্ভ কৰিছে ৷
লগতে পঢ়ক : চুলাই বিচাৰি ঘৰে ঘৰে আবকাৰী বিভাগৰ অভিযান
