গোলাঘাট,11 এপ্ৰিলঃ গোলাঘাটৰ বিশিষ্ট সমাজকৰ্মী তথা অসম সমবায় এপেক্স বেংকৰ উপাধ্যক্ষ বিশ্বজিৎ ফুকনে অসম আৰোগ্য নিধিলৈ আগবঢ়ালে ডেৰ লাখ টকাৰ সাহাৰ্য ৷ অসম চৰকাৰৰ কৃষি মন্ত্ৰী অতুল বৰাৰ হাতত গোলাঘাট আৱৰ্ত ভৱনত ডেৰ লাখ টকাৰ এখন চেক প্ৰদান কৰে বিশ্বজিৎ ফুকনে । অৱশ্যে ডেৰ লাখ টকাৰ ভিতৰত 50 হাজাৰ টকা সমাজকৰ্মী বিশ্বজিৎ ফুকনৰ সহধৰ্মিনী ড৹ প্ৰাপ্তি ঠাকুৰৰ একাউন্টৰ পৰা প্ৰদান কৰা হৈছে । উল্লেখ্য যে, সমাজকৰ্মী বিশ্বজিৎ ফুকনে লক ডাউনৰ সময়ছোৱাত সৰুপথাৰ বিধান সভা সমষ্টিৰ প্ৰায় বাৰশ পৰিয়ালৰ মাজত অত্যাৱশ্যকীয় সামগ্ৰী বিনামূলীয়াভাৱে বিতৰণ কৰি সকাহ প্ৰদান কৰিছে ।
লগতে পঢ়কঃভাল খবৰঃ COVID-19 ৰ পৰা মুক্ত ৰাজ্যৰ পাঁচগৰাকী আক্ৰান্ত