গোলাঘাট, 13 অক্টোবৰঃ গোলাঘাটৰ সোণাখাট চাহ বাগিচাত হত্যাকাণ্ডৰ ঘটনা । স্বামীৰ অত্যাচাৰত মৃত্যু হয় পত্নীৰ । চোমনিগাওঁ আৰক্ষী চকীৰ অন্তৰ্গত সোণাখাট চাহ বাগিচাৰ ২ নম্বৰ লাইনৰ বাসিন্দা দেবেন মিৰ্ধাই পত্নী সাবিত্ৰী মিৰ্ধাক লাঠিৰে মৰিয়াই হত্যা কৰাৰ অভিযোগ প্ৰত্যক্ষদৰ্শীৰ । শনিবাৰে পুৱা প্ৰায় দহ বজাতেই এই ঘটনা সংঘটিত হয় যদিও নিশালৈকে মৃতদেহ ঘৰৰ ভিতৰতে লুকুৱাই ৰাখি হত্যাকাণ্ডৰ ঘটনাটোক গাপ দিব বিচাৰিছিল বুলি অভিযোগ তোলে স্থানীয় ৰাইজে । স্থানীয় ৰাইজে নিশাই আৰক্ষীক খবৰ দিয়াৰ পিছত আৰক্ষীয়ে মৃতদেহ চমজি লয় ।দেবেন মিৰ্ধাই ৰাইজৰ ৰোষত পৰাৰ ভয়ত নিজেই আৰক্ষী থানাত হাজিৰ হয় বুলি জনাই স্থানীয় ৰাইজে । ইফালে উক্ত ঘটনাটোৱে সমগ্ৰ অঞ্চলটোত চাঞ্চল্যৰ সৃষ্টি কৰিছে ।
স্বামীৰ হাতত পত্নীৰ মৃত্যু
