গোলাঘাট,১৫জুন : আজি ৭৬ সংখ্যক শ্বহীদ কুশল কোঁৱৰৰ মৃত্যু তিথি । মৃত্যু তিথি উপলক্ষে গোলাঘাট আৰক্ষীয়ে লৈছে উল্লেখনীয় পদক্ষেপ । কোৱৰক ৰখা গোলাঘাটৰ এটা কয়দী কোঠা সংৰক্ষণৰ ব্যৱস্থা গ্ৰহণ কৰিলে গোলাঘাট আৰক্ষী অধীক্ষক পুষ্পৰাজ সিঙে ।
উল্লেখ্যযোগ্য যে, স্বাধীনতা সংগ্ৰামৰ অন্যতম গোলাঘাটৰ সংগ্ৰামী শ্বহীদ কুশল কোঁৱৰক বৃটিছে মৃত্যুদণ্ড বিহিছিল ১৯৪৩ চনৰ ১৫ জুন তাৰিখে । সেই সময়ত বহু বাৰ তদন্তৰ খাতিৰত গোলাঘাট আৰক্ষী থানালৈ অনা হৈছিল কোৱৰক । কোৱৰক থানালৈ আনি ৰখা হৈছিল সেই বিশেষ কয়দী কোঠাটোত । যাৰ বাবে শ্বহীদ গৰাকীৰ স্মৃতিত গোলাঘাট আৰক্ষী থানাৰ ভিতৰত থকা বৃটিছৰ সময়ৰ এই কয়দী কোঠাটোক সংৰক্ষণৰ ব্যৱস্থা কৰিছে গোলাঘাট আৰক্ষী অধীক্ষক পুষ্পৰাজ সিঙে । ইফালে, শ্বহীদ গৰাকীৰ মৃত্যুতিথি উপলক্ষে গোলাঘাট আৰক্ষী থানাত শ্বহীদ গৰাকীক স্মৰণ কৰি বন্তি প্ৰজ্জ্বলন কৰে আৰক্ষীৰ লোকসকলে ।
