গোলাঘাট, 29 নৱেম্বৰঃ গোলাঘাট জিলাত অব্যাহত আছে অবৈধ বালি মাফিয়াৰ দপদপনি ৷ জিলাখনৰ দৈগ্ৰোঙ নদীত একাংশ বালি মাফিয়াই চলাইছে অবৈধ খনন ৷ দৈনিক একাংশ শিল-বালি মাফিয়াই লুণ্ঠন কৰিছে বনজ সম্পদ ৷ শনিবাৰে গোলাঘাট জিলাৰ বন সংমণ্ডল বিষয়াই অভিযান চলাই এখন জেচিবিৰ লগতে চাৰিখন ডাম্পাৰ জব্দ কৰে ৷ ইয়াৰে এখন ডাম্পাৰ বালি ভৰ্তি অৱস্থাৰ লগতে আন তিনিখন খালি অৱস্থাত জব্দ কৰিবলৈ সক্ষম হয় আৰক্ষীয়ে ৷
উল্লেখ্য যে, দীর্ঘদিনে দৈগ্ৰোঙ নদীত একাংশ বালি মাফিয়াই দপদপনি চলাই আহিছে বুলি অভিযোগ উত্থাপন কৰে স্থানীয় লোকসকলে ৷ জিলাখনৰ বকিয়াল খণ্ড বিষয়া কাৰ্যালয়ৰ অধীনৰ দৈগ্ৰোঙ নদীত বন বিভাগৰ লগত একাংশ বালি মাফিয়াই মিতিৰালি কৰি অবৈধভাৱে খনন চলাই আহিছে ৷ যাৰ পৰিণতিত জীৱ-জন্তু,পশু-পক্ষীৰ বিচৰণৰ ঠাই ক্ৰমে হ্ৰাস পাই আহিবলৈ লৈছে ৷
আন এক খবৰ : তিনিচুকীয়াৰ ৰাষ্ট্ৰীয় গ্ৰন্থমেলাৰ বাকৰিত উন্মোচন 'কুঁহি'
উল্লেখ্যে যে, কিছুদিন পূৰ্বেও দৈগ্ৰোঙ নদীৰ বালি মহলৰ কেলেংকাৰীত জড়িত থকাৰ বাবে বহু কেইজন বন বিভাগৰ মুৰব্বী, বিষয়া আৰু মহলদাৰক গ্ৰেপ্তাৰ কৰিছিল আৰক্ষীয়ে ৷ কিন্তু ইয়াৰ পাছতো দৈগ্ৰোঙ নদীত একাংশ বালি মাফিয়াই চলাই আহিছে খনন কাৰ্য ৷ য'ত বহু কেইজন বন বিষয়া জড়িত আছে , কিন্তু প্ৰশাসনে এই ক্ষেত্ৰত কোনো ব্যৱস্থা গ্ৰহণ নকৰাৰ অভিযোগ উত্থাপন কৰে স্থানীয় লোকে ৷
