গোলাঘাট,15 মে': গোলাঘাটৰ মানৱ দৰদী চিকিৎসক তথা বিশিষ্ট সমাজকৰ্মী ডাঃ ফতিক গগৈৰ দেহাৱসানত অঞ্চলজুৰি শোকৰ ছাঁ ৷ বাধক্যজনিত কাৰণত শুকুৰবাৰে গোলাঘাট বাগিচা আলিৰ নিজ বাসগৃহত 93 বছৰ বয়সত মৃত্যু হয় বিশিষ্ট চিকিৎসক গৰাকীৰ ৷ কেৱল চিকিৎসা ক্ষেত্ৰতেই নহয় গোলাঘাটৰ সামাজিক দিশলৈও বহু অৱদান আগবঢ়াইছিল এই গৰাকী মানৱ দৰদী চিকিৎসক ডাঃ ফতিক গগৈয়ে ৷
গোলাঘাটৰ বিশিষ্ট চিকিৎসক তথা সমাজকৰ্মী ডাঃ ফতিক গগৈৰ দেহাৱসান
উল্লেখ্য যে, সামজৰ বাবে কৰা বিভিন্ন কামৰ বাবে গোলাঘাট পৌৰসভাই ডাঃ ফতিক গগৈক আগবঢ়াইছিল গোলাঘাট জ্যোতি বঁটা ৷ বিশিষ্ট চিকিৎসক গৰাকীৰ মৃত্যুত বিধায়িকা অজন্তা নেওগে গভীৰ শোক প্ৰকাশ কৰাৰ লগতে সমগ্ৰ অঞ্চলটোতে শোকৰ ছাঁ পৰিছে ৷
লগতে পঢ়কঃ নোহাৱা হৈ যাব নেকি অসমীয়া সংস্কৃতিৰ অন্যতম চানেকী জাপিৰ উদ্যোগ ?
