সৰুপথাৰ-উৰিয়ামঘাট পথে জ্বলাকলা খুৱাইছে ৰাইজক

পথটোৰ দুৰৱস্থাৰ বাবে যানবাহনৰ চলাচলৰ ক্ষেত্ৰতো পদে পদে বিপদৰ আশংকা দেখা গৈছে  ৷ বিভাগীয় কৰ্তৃপক্ষক শীঘ্ৰেই পথটো নিৰ্মাণৰ দাবী জনাইছে স্থানীয় জনতাই ৷

সৰুপথাৰ, 17 জুনঃ ধনশিৰি মহকুমাৰ সৰুপথাৰ গ্ৰাম্যপথ সংমণ্ডলৰ অন্তৰ্গত সৰুপথাৰ-উৰিয়ামঘাট সংযোগী পথে জীয়াতু ভোগাইছে স্থানীয় ৰাইজক ৷ বিধস্ত হৈ পৰা পথছোৱা যাতায়তৰ বাবে অনুপযোগী হৈ পৰিছে। পথটোৰ দুৰৱস্থাৰ বাবে যানবাহনৰ চলাচলৰ ক্ষেত্ৰতো পদে পদে বিপদৰ আশংকা দেখা গৈছে ৷ জৰাজীৰ্ণ পথটোত দুৰ্ঘটনাৰ শংকা ব্যক্ত কৰিছে স্থানীয় ৰাইজে ৷ কিন্তু ৰাইজৰ দুখ-দুৰ্দশাৰ প্ৰতি বিভাগীয় কৰ্তৃপক্ষ তথা জন প্ৰতিনিধিয়ে তিলমানো কাণসাৰ নিদিয়াৰ অভিযোগ উত্থাপন হৈছে ৷

সেয়ে সংশ্লিষ্ট কৰ্তৃপক্ষক শীঘ্ৰেই পথটো নিৰ্মাণৰ দাবী জনাইছে স্থানীয় জনতাই ৷