স্বচ্ছতাৰ নামত চূড়ান্ত ভেঙুচালি দেৰগাঁও পৌৰসভাৰ

দেৰগাঁৱত ধোঁৱা চাঙত স্বচ্ছ ভাৰত অভিযান ৷ দেৰগাঁও চহৰৰ কেইটামান দৃশ্যই প্ৰমাণ কৰিছে এই কথা ৷

দেৰগাঁও, 28 জুলাই : দেৰগাঁৱত ধোৱা চাঙত স্বচ্ছ ভাৰত অভিযান ৷ জাৱৰ পৰিষ্কাৰৰ নামত পৌৰসভাই কৰি গৈছে ল'ৰা ধেমালি ৷ দেৰগাঁও চহৰৰ কেইটামান দৃশ্যই প্ৰমাণ কৰিছে এই কথা ৷ চহৰখনৰ 37 নং ৰাষ্ট্ৰীয় ঘাইপথৰ দাঁতি ভৰি পৰিছে গেলা -পচা আৱৰ্জনাৰে ৷ বিগত এসপ্তাহ ধৰি দেৰগাঁও পৌৰসভাৰ দায়িত্বহীনতাৰ বাবেই চহৰখনৰ ব্যস্ত পথত জাৱৰ ভৰ্তি হৈ সৃষ্টি কৰিছে কদৰ্যময় পৰিৱেশৰ ৷ জাৱৰ নিষ্কাষণৰ সকলো সা - সুবিধা থকাৰ পিছতো দেৰগাঁও পৌৰসভাৰ জাৱৰসমৃহ তুলি লৈ নোযোৱাত অতিষ্ঠ হৈ পৰিছে দেৰগাঁওবাসী ৷