উপ পথটোৰ দুৰাৱস্থাই জীয়াতু ভুগাইছে গোলাঘাটৰ পথচাৰীক

অতি নিম্ন মানদণ্ডৰে প্ৰায় তিনিবছৰৰ পূৰ্বে পেৰ্ভাছ ব্লকেৰে নিৰ্মিত পথছোৱা ঠায়ে ঠায়ে ব্লকবোৰ এৰাই যাবলৈ আৰম্ভ কৰা দেখা গৈছে ৷

গোলাঘাট, 8 জুন: গোলাঘাটত 39 নং ৰাষ্ট্ৰীয় ঘাইপথ আৰু শালমৰা সংযোগী উপ-পথৰ শোচনীয় অৱস্থাই জ্বলা-কলা খুৱাইছে স্থানীয় ৰাইজক ৷ গোলাঘাট নগৰত যান-জঁত হ্ৰাস কৰিবলৈ বিগত কংগ্ৰেছ চৰকাৰৰ দিনতে নিৰ্মাণ কৰা হৈছিল ৰঙাজান আৰু শালমৰা সংযোগী উপ-পথটো ৷ এতিয়া লাহে লাহে জৰাজীৰ্ণ ৰূপ ধাৰণ কৰি আহিছে ধনশিৰি নদীৰ ওপৰত নিৰ্মাণ কৰা নতুন দলঙেৰে সংযোগী ৰঙাজান-গোলাঘাট পথটোৰ অৱস্থা ৷ অতি নিম্ন মানদণ্ডৰে প্ৰায় তিনিবছৰৰ পূৰ্বে পেৰ্ভাছ ব্লকেৰে নিৰ্মিত পথছোৱা ঠায়ে ঠায়ে ব্লকবোৰ এৰাই যাবলৈ আৰম্ভ কৰা দেখা গৈছে ৷ উপ পথছোৱাত বাহন চলাচল কৰিব পৰাকৈ উপযোগী নোহোৱা তথা ক্ৰমান্বয়ে পথছোৱা জৰাজীৰ্ণ হৈ আহিছে যদিও বিভাগীয় কৰ্তৃপক্ষই কোনো ব্যৱস্থা গ্ৰহণ নকৰাৰ অভিযোগ স্থানীয় ৰাইজৰ ৷