গোলাঘাট, ৫ জুন : বৰ্তমান ৰাজ্যৰ বাগিচাই বাগিচাই বৃদ্ধি পাইছে ক'ভিড (Covid 19) সংক্ৰমণ । সেয়ে, বাগিচাৰ শ্ৰমিকসকলৰ মাজত ক'ভিড (Covid 19) সংক্ৰমণ ৰোধৰ বাবে তৎপৰ হৈ পৰিছে গোলাঘাট জিলা প্ৰশাসন আৰু স্বাস্থ্য বিভাগ ।
শুকুৰবাৰৰ পৰা নুমলীগড়ৰ মৰঙি খণ্ড প্ৰাথমিক স্বাস্থ্য কেন্দ্ৰ আৰু পংকা ক্ষুদ্ৰ প্ৰাথমিক স্বাস্থ্য কেন্দ্ৰৰ উদ্যোগত চাহ বাগিচা অঞ্চলত আৰম্ভ কৰা হৈছে টীকাকৰণ অভিযান । মৰঙি খণ্ড স্বাস্থ্য বিভাগৰ অধীনৰ লেটেকুজান আৰু বকিয়াল বৃহৎ চাহ বাগিচাৰ শ্ৰমিকক প্ৰতিষেধক প্ৰদান কৰা হয় ।
চিকিৎসক, স্বাস্থ্য কৰ্মী আৰু ৰাষ্ট্ৰীয় স্বাস্থ্য অভিযানৰ বিষয়ববীয়া, বাগিচা কৰ্তৃপক্ষ, চাহ মজদুৰ সংঘৰ সহযোগত ক'ভিড টীকাকৰণ (Covid Vaccination) কাৰ্যসূচী শুভাৰম্ভণি কৰা হয় বাগিচাৰ চিকিৎসালয়ত । লগতে ৰেপিড এন্টিজেন পৰীক্ষা কৰাৰো ব্যৱস্থা কৰা হৈছে । .
যিসকল শ্ৰমিকৰ দেহত কৰ'ণাৰ অৱস্থিতি ধৰা পৰিব সেই সকলক ৰখাৰ বাবে আছুতীয়া কক্ষৰো ব্যৱস্থা কৰা হৈছে । মহামাৰীয়ে সৃষ্টি কৰা সংকটৰ সময়ত স্বাস্থ্য বিভাগৰ এনে পদক্ষেপক শ্ৰমিক ৰাইজ তথা দল সংগঠনে শলাগ লৈছে ।
লগতে পঢ়ক:মাজুলীত ধুমুহাত ক্ষতিগ্ৰস্ত লোকসকলৰ কাষত টীম মাজুলী
