নগৰবেৰাত চুৰিকাণ্ড, লুটি নিয়ে নগদ ৩৫ হাজাৰ টকাসহ আ-অলংকাৰ

নগৰবেৰাত দিনদুপৰতে চুৰিকাণ্ড । ঘৰত কোনেও নথকাৰ সুযোগ লৈ ঘৰৰ ভিতৰত প্ৰৱেশ কৰে চোৰে ৷ লুটি নিয়ে নগদ ৩৫ হাজাৰ টকাসহ আ-অলংকাৰ । ৰাইজৰ তৎপৰতাত কৰায়তত্ব কৰে চোৰটোক ।

গোৱালপাৰা, 12 মাৰ্চঃ নগৰবেৰাৰ পিজুপাৰাত বৃহস্পতিবাৰে দিন দুপৰতে সংঘটিত হয় চুৰিকাণ্ডৰ ঘটনা । গাঁওখনৰ কেশৱ কলিতাৰ ঘৰত কোনো নথকাৰ সুযোগ লৈ মতিয়ৰ ৰহমান নামৰ চুৰটো তলা ভাঙি ভিতৰত প্ৰৱেশ কৰে । প্ৰতিবেশী মহিলা এগৰাকীয়ে এই ঘটনা দেখি চিঞৰ বাখৰ কৰাত চোৰটো দৌৰি পলাবলৈ চেষ্টা কৰে যদিও একাংশ লোকে খেদি খেদি কৰায়ত্ব কৰে চোৰটোক । চুৰটোৱে নগদ ৩৫ হাজাৰ টকা আৰু কিছু আ-অলংকাৰ লুট কৰিবলৈ সক্ষম হয় । ৰাইজে লপা থপা দি নগৰবেৰা আৰক্ষীক চমজাই দিয়ে চোৰটোক । আৰক্ষীয়ে জনোৱা মতে চোৰটোৰ ঘৰ বৰপেটা জিলাৰ বাঘবৰ সমষ্টিৰ মানিকপুৰত । দিন দুপৰতে সংঘটিত এই চুৰিকাণ্ডৰ ঘটনাই অঞ্চলটোত চাঞ্চল্যৰ সৃষ্টি কৰিছে ।

আৰু পঢ়কঃ বিটিচি নিৰ্বাচনৰ প্ৰাকমূহুৰ্তত বিজেপি বিপিএফৰ বাকযুদ্ধ