গোৱালপাৰা, 22 আগষ্টঃ ৰাজ্যৰ বিভিন্ন বিভাগৰ কাৰ্যালয়সমূহৰ বিষয়া-কৰ্মচাৰীসকলে নিজৰ সঠিক দায়িত্ব পালন কৰাৰ পৰা আতৰি থাকি চৰকাৰক বিভিন্ন পদ্ধতিৰ ফাকিৰে দৰমহা হিচাপে অতি সহজে কেৱল চৰকাৰী ধন গ্ৰহণ কৰি আহিছে তাৰে এক দৃষ্টান্ত উদাহৰণ গোৱালপাৰাৰ খৰমুজা উন্নয়ন খণ্ড ৷
চৰকাৰী সময় মতে 9 বজাত সকলো চৰকাৰী কৰ্মচাৰী কাৰ্যালয়ত উপস্থিত হোৱাৰ নিয়ম যদিও এঘাৰ বাজি পাৰ হৈ গ'লেও কাৰ্যালয়ত উপস্থিত নহয় এজনো বিষয়া কৰ্মচাৰী ৷ অভিযোগ অনুসৰি এই কাৰ্যালয়টোলৈ গাঁঠিৰ ধন ভাঙি অহা সাধাৰণ ৰাইজে বিষয়া কৰ্মচাৰীক বিচাৰি প্ৰায়ে হাহাকাৰ কৰিব লগা হয় ৷
তথ্যানুসৰি, এগৰাকী নিম্নবৰ্গৰ সহায়কে গুৱাহাটীৰ পৰা আহি মাজে মাজে উপস্থিত হয় কাৰ্যালয়টোত ৷ এতিয়া সাধাৰণ ৰাইজে এই ক্ষেত্ৰত উচিত ব্যৱস্থা গ্ৰহণ কৰাৰ দাবী উত্থাপন কৰিছে ৷ গতিকে নিজৰ দায়িত্ব আৰু কৰ্তব্যক ফাকি দি অতি সহজে চৰকাৰী দৰমহা লাভ কৰি থকা এনে কৰ্মচাৰীসকলৰ বিৰুদ্ধে সংশ্লিষ্ট বিভাগৰ উৰ্ধতন কৰ্তৃপক্ষই কেনে ব্যৱস্থা গ্ৰহণ কৰে সেয়া লক্ষণীয় হব৷
