গোৱালপাৰা, 24 অক্টোবৰঃ ৰাজ্যচৰকাৰৰ লগতে আদালতৰ নিৰ্দেশো নামানে এইখন অসমৰে একাংশ চৰকাৰী বিষয়াই ৷ এইসকল চৰকাৰী কৰ্মচাৰীৰ কৰ্মসংস্কৃতিৰ নমুনা পোহৰলৈ আহিছে গোৱালপাৰা জিলাৰ সীমান্তৱৰ্তী ধুবুৰী জিলাৰ চিৰাকুটিত অৱস্থিত এটা খণ্ড উন্নয়ন বিষয়াৰ কাৰ্যালয়ত ৷ একপ্ৰকাৰে বছৰ বছৰ ধৰি কাৰ্যালয়টোত চৰকাৰী ধনৰ শৰাধ পাতি চলি আহিছে চৰম অৰাজকতা ৷
লগতে পঢ়কঃ নাগৰিকত্ব সংশোধনী বিধেয়কৰ বিৰুদ্ধে প্ৰতিবাদত নামিল নৱজ্যোতি মহাবিদ্যালয়ৰ ছাত্ৰ-ছাত্ৰী
অসমীয়াত এশাৰী আপ্তবাক্য আছে, "আছে গৰু নাবায় হাল, থকাতকৈ নথকাই ভাল৷" এইশাৰী বাক্য আখৰে আখৰে প্ৰতিফলন ঘটিছে জামাদাৰ হাট উন্নয়ন খণ্ডৰ কাৰ্যালয়ত । ধুবুৰী জিলাৰ দক্ষিণ প্ৰান্তৰ এইটো কাৰ্যালয়ত লাগতিয়াল আচৱাব-পাতিকে ধৰি সকলো সুবিধা উপলব্ধ আছে ৷ কিন্তু 2001 চনৰ পৰাই কাৰ্যালয়টোত অনুপস্থিত অন্যান্য কৰ্মচাৰীকে ধৰি খোদ খণ্ড উন্নয়ন বিষয়াগৰাকী ৷
ৰাইজৰ লিখিত অভিযোগৰ পিচতো এইদৰে কাৰ্যালয়ত অনুপস্থিত আছে খণ্ড উন্নয়ন বিষয়াকে ধৰি অন্যান্য কৰ্মচাৰীসকল ৷ জিলা উপায়ুক্তৰ হস্তক্ষেপৰ পিচতো কেৰেপ নকৰে কাৰ্যালয়টোত কৰ্মৰত এইসকল চৰকাৰী কৰ্মচাৰীয়ে ৷ স্থানীয় ৰাইজৰ অভিযোগ অনুসৰি, বৰ্তমানৰ খণ্ড উন্নয়ন বিষয়া আব্দুৰ ৰহিমে মাহটোৰ এদিনো কাৰ্যালয়টোত উপস্থিত নাথাকে ৷ ইয়াৰ পৰিৱৰ্তে সুদুৰ ধুবুৰী চহৰত এটা ভাড়াঘৰ লৈ চলাই আছে কাৰ্যালয়টোৰ কাম-কাজ ৷
লগতে পঢ়কঃ বঙাইগাঁও জিলা কৃষক মুক্তি সংগ্ৰাম সমিতিৰ এই অৱৰোধ
যিটো সময়ত ৰাজ্য চৰকাৰে দুৰ্নীতিৰ বিৰুদ্ধে কঠোৰ পদক্ষেপ গ্ৰহণ কৰা পৰিলক্ষিত হৈছে তেনে সময়তে এইটো কাৰ্যালয়ত কৰ্মৰত কৰ্মচাৰীসকল যেন ব্যতিক্ৰম ৷ এইক্ষেত্ৰত ৰাজ্য চৰকাৰে কি সিদ্ধান্ত গ্ৰহণ কৰে সেয়া নিশ্চয়কৈ লক্ষণীয় হ'ব ৷
