গোৱালপাৰা, 11 মে’: টুক্ৰেশ্বৰী মন্দিৰলৈ আহোঁতে সাৱধান ৷ গোৱালপাৰাত টুক্ৰেশ্বৰী মন্দিৰত পুনৰ বান্দৰৰ উপদ্ৰৱ (Monkey Attack in Goalpara)। বান্দৰৰ আক্ৰমণত গুৰুতৰভাৱে আহত হৈছে এজন যুৱক । কথমপি প্ৰাণ ৰক্ষা পৰে চুলেমান আলী নামৰ যুৱকজনৰ ৷ সম্প্ৰতি আহত চুলেমান আলীক চিকিৎসালয়ত ভৰ্তি কৰা হৈছে (Monkey attacked a man) ৷
গোৱালপাৰাত হাতী-মানুহৰ সংঘাত অব্যাহত থকাৰ সমান্তৰালকৈ ৰাজ্যত অব্যাহত আছে বান্দৰ-মানুহৰ সংঘাত । গোৱালপাৰা জিলাৰ কৃষ্ণাইৰ ঐতিহাসিক টুক্ৰেশ্বৰী দেৱালয়ত বান্দৰৰ উপদ্ৰৱে আতংকিত কৰিছে সাধাৰণ জনতাক (Man injured in Goalpara) ।
বৃহস্পতিবাৰে দিনৰ ভাগত যুৱকজনে টুকুৰা বজাৰত এখন বিস্কুটৰ বেকাৰীত কাম কৰি থকা অৱস্থাত বান্দৰটোৱে অকস্মাতে যুৱকজনক সোঁহাতত কামুৰি দিয়ে ৷ তৎক্ষণাত যুৱকজনে শৰীৰৰ সৰ্বশক্তি প্ৰয়োগ কৰি বান্দৰটোক আঁতৰালৈ দিয়ে যদিও পুনৰ বান্দৰটোৱে যুৱকজনৰ বাওঁ ভৰিত কামুৰি ধৰে । ফলত যুৱকজনৰ সোঁহাতৰ দুঠাইত আৰু বাওঁ ভৰিৰ মাংস কামুৰি ছিঙি লৈ যোৱাৰ ফলত যুৱকজন অজ্ঞান হৈ পৰে ।
লগে লগে বজাৰত কৰ্মৰত লোকে যুৱকজনক প্ৰত্যক্ষ কৰি তৎক্ষণাত 108 এম্বুলেঞ্চৰ জৰিয়তে গোৱালপাৰা অসামৰিক চিকিৎসালয়ত ভৰ্তি কৰায় । বৰ্তমান যুৱকজন চিকিৎসাধীন অৱস্থাত আছে ৷
উল্লেখ্য যে, যোৱা 28 এপ্ৰিলত টুক্ৰেশ্বৰী মন্দিৰৰ এটা মলুৱা বান্দৰে মন্দিৰৰ ওচৰতে থকা টুকুৰা বজাৰৰ আজিম উদ্দীনৰ গৃহত প্ৰৱেশ কৰি এটি শিশুক আক্ৰমণ কৰিবলৈ উদ্য়ত হয় । শিশুটিক মাতৃয়ে বান্দৰৰ আক্ৰমণৰ পৰা ৰক্ষা কৰিবলৈ লওঁতেই মলুৱা বান্দৰটোৱে মহিলাগৰাকীক উপৰ্জুপৰি আক্ৰমণ কৰিছিল ।
বান্দৰৰ আক্ৰমণ ইমানেই ভয়ানক আছিল যে, মহিলাগৰাকীক কামুৰি শৰীৰৰ কেইবাঠাইতো মাংস উঠাই নিয়ে (Monkey attacked woman in Goalpara)। মহিলাগৰাকীৰ হাতৰ কেইবাটাও আঙুলি কামুৰি ভাঙি দিয়ে । মহিলাগৰাকীয়ে কণমানি শিশু আৰু নিজৰ প্ৰাণ বচাবলৈ চিঞৰ-বাখৰ কৰাত ৰাস্তাৰে গৈ থকা লোকে মহিলাগৰাকীৰ চিঞৰ শুনি গৃহত উপস্থিত হৈ দুয়োগৰাকীকে উদ্ধাৰ কৰিছিল ।
লগতে পঢ়ক: Tukreswari temple: টুক্ৰেশ্বৰী মন্দিৰত কপিকুলৰ উপদ্ৰৱ
