গোৱালপাৰাত ধৰ্ষণকাৰী শ্বাহজাহান আলীক কঠোৰ শাস্তি দিয়াৰ দাবীত সমদল

ধৰ্ষণকাৰী শ্বাহজাহান আলীক কঠোৰ শাস্তি দিয়াৰ দাবীত ফাষ্টট্ৰেক আদালতৰ দ্বাৰা বিচাৰ প্ৰক্ৰিয়াৰে শিশু নিৰ্যাতনকাৰীক শাস্তি দিয়ক, নাৰী সুৰক্ষা নিশ্চিত কৰক, নাৰী নিৰ্যাতন বন্ধ কৰক,মদ, জুৱা, ভাং, তীৰ খেল বন্ধ কৰক আদি শ্লোগানেৰে ৰাজপথ উত্তাল কৰি তোলে

গোৱালপাৰা, 11 এপ্ৰিলঃ শিশুক যৌন নিৰ্যাতনৰ চলোৱা শ্বাহজাহান আলীক কঠোৰ শাস্তি দিয়াৰ দাবীত গোৱালপাৰাত মহিলাৰ প্ৰতিবাদী সমদল । চহৰ খনৰ মাদ্ৰাছা খেলপথাৰৰ পৰা জিলা উপায়ুক্ত কাৰ্যালয়লৈ উলিওৱা হয় এই প্ৰতিবাদী সমদল । শতাধিক পুৰুষ মহিলাই যৌথভাৱে উলিওৱা এই প্ৰতিবাদী সমদলত লোকসকলে যৌন নিৰ্যাতনকাৰী শ্বাহজাহান আলীক দৃষ্টান্ত মূলক শাস্তি দিয়ক, ফাষ্টট্ৰেক আদালতৰ দ্বাৰা বিচাৰ প্ৰক্ৰিয়াৰে শিশু নিৰ্যাতনকাৰীক শাস্তি দিয়ক, নাৰী সুৰক্ষা নিশ্চিত কৰক, নাৰী নিৰ্যাতন বন্ধ কৰক,মদ, জুৱা, ভাং, তীৰ খেল বন্ধ কৰক আদি শ্লোগানেৰে ৰাজপথ উত্তাল কৰি তোলে ৷

উল্লেখ্য যে, যোৱা 12 মার্চ তাৰিখে নিজ গৃহৰ কাষৰে এগৰাকী ছবছৰীয়া শিশুক যৌন নিৰ্যাতন চলাইছিল শ্বাহজাহানে ৷ শিশুটিৰ অভিভাৱকৰ গোচৰৰ ভিত্তিত অপৰাধী শ্বাহজাহানক গ্ৰেপ্তাৰ কৰি প্ৰেৰণ কৰিছিল গোৱালপাৰা আৰক্ষী সদৰ থানালৈ । পিছত প্ৰতিবাদী মহিলা সকলে জিলা উপায়ুক্ত কাৰ্যলয়ৰ সন্মুখত প্ৰতিবাদী ধৰ্ণা কাৰ্যসূচী ৰূপায়ণৰ অন্তত বিভিন্ন দাবীৰে এক স্মাৰক পত্ৰ প্ৰদান কৰে গোৱালপাৰা জিলা উপায়ুক্ত বৰ্ণালী ডেকালৈ ।