গোৱালপাৰা,20 মাৰ্চ: ইটিভি ভাৰতৰ বাতৰিৰ প্ৰভাৱ ৷ বিগত 18 মাৰ্চত গোৱালপাৰাত সংঘটিত হোৱা ভয়ংকৰ অগ্নিকাণ্ডত ক্ষতিগ্ৰস্ত হোৱা পৰিয়ালক সহায়ৰ হাত আগবঢ়ালে এ আই ইউ ডিএফৰ দলৰ কৰ্ম কৰ্তা ৷
উল্লেখ্য যে যোৱা 18 মাৰ্চত গোৱালপাৰা বগুৱান আৰক্ষী থানাৰ অধীনস্থ ৰাম হৰি চৰৰ তৃতীয় খণ্ডত সুকুমুদ্দিন আহমেদৰ ঘৰত সংঘটিত হৈছিল ভয়ংকৰ অগ্নিকাণ্ড ৷ উক্ত অগ্নিকাণ্ডত জীৱন্তে জ্বলি প্ৰাণ হেৰুৱাইছিল সুকুমুদ্দিন আহমেদৰ তিনি বছৰীয়া কন্যা সন্তান ছামিনা খাতুন নামৰ এটি শিশু৷ এই মৰ্মান্তিক ঘটনাতো ৰাইজৰ মাজত বাতৰি আকাৰত প্ৰকাশ কৰিছিল ই টি ভি ভাৰতে ৷ ইয়াৰ পাছতেই এই সমগ্ৰ ঘটনাৰ বিষয়ে জানিব পাৰি উক্ত পৰিয়ালটোক সহায়ৰ বাবে আগবাঢ়ি আহিল ধুবুৰী লোকসভা সমষ্টিৰ সাংসদ বদৰুদ্দিন আজমল ৷ শুকুৰবাৰে দুৰ্ভগীয়া পৰিয়ালটোৰ কাষত উপস্থিত হৈ ঘৰ নিৰ্মাণৰ বাবে চাৰি বান্দিল টিন,দমকল,চাউল-ডাইল আদিকে ধৰি বিভিন্ন ধৰণৰ নিত্য প্ৰয়োজনীয় সা-সামগ্ৰী যোগান ধৰে একাংশ এ আই ইউ ডিএফৰ দলৰ কৰ্মী-কৰ্তাই ৷ পৰিয়ালটোৰ কাষত এনেদৰে শুভাকাংশী উপস্থিত হোৱাত দুখৰ মাজতো স্বাভাৱিকতেই তাৎক্ষণিকভাৱে সুখ অনুভৱ দুৰ্ভগীয়া শুকুমুদ্দিন আহমেদৰ পৰিয়ালটোৰ ৷
লগতে পঢ়কঃ কেতিয়া শাস্তি পাব বটদ্ৰৱা কাণ্ডৰ দোষী জাকিৰ হুছেইনে !
