গোৱালপাৰা-শলমাৰী সংযোগী পথৰ দুৰৱস্থা

গোৱালপাৰা-শলমাৰী সংযোগী সদাব্যস্ত পথটোৰ প্ৰতি গুৰুত্ব নাই চৰকাৰ তথা জনপ্ৰতিনিধিৰ ৷ সাধাৰণ এজাক বৰষুণ দিলেই ব্যাহত হয় যাতায়ত ব্যৱস্থা।

গোৱালপাৰা,14 চেপ্তেম্বৰঃ পৰিৱৰ্তনকামী বিজেপি নেতৃত্বাধীন মিত্ৰজোট চৰকাৰৰ দিনত প্ৰকৃততে কিমান উন্নতি হৈছে ৰাস্তা-ঘাটৰ। তাৰ যদি প্ৰমাণ লাগে তেনেহ'লে চাওক এই পথছোৱালৈ, গোৱালপাৰা-শলমাৰী সংযোগী ৰাজ্যিক ঘাইপথ এইটো । গোৱালপাৰা চহৰলৈ যাবলৈ হ'লে এই পথটোৰেই যাব লাগিব ৷ গোৱালপাৰা-শলমাৰী সংযোগী সদাব্যস্ত পথটোৰ প্ৰতি গুৰুত্ব নাই চৰকাৰ তথা জনপ্ৰতিনিধিৰ ৷ সাধাৰণ এজাক বৰষুণ দিলেই ব্যাহত হয় যাতায়ত ব্যৱস্থা। ৰাজ্যিক ঘাইপথ নহয় যেন পুখুৰীহে। অলপ বৰষুণতে ঘাইপথছোৱাত পানী জমা হয়। ছাত্ৰ ছাত্ৰীৰ লগতে ৰোগীক লৈ যন্ত্ৰণাত ভুগিবলগীয়া হয় সাধাৰণ ৰাইজ। বিধায়ক ৰাছিদ আলমক বহুবাৰ ৰাইজে পথছোৱা মেৰামতিৰ বাবে ব্যৱস্থা গ্ৰহণ কৰিবলৈ আহ্বান জনাইছে যদিও কোনো সুফল পোৱা নাই ৷