গোৱালপাৰা, 15 ডিচেম্বৰ : গোৱালপৰীয়া যুৱ সমাজ জে এফ ফাউণ্ডেশ্যন আৰু সংখ্যালঘু উন্নয়ন সমাজ কল্যাণ সমিতিৰ সৌজন্যত ওৱেষ্ট গোৱালপাৰা মহাবিদ্যালয় প্ৰেক্ষাগৃহত মঙলবাৰে এখন সজাগতামূলক সভা অনুষ্ঠিত হয় । মঙলবাৰৰ সজাগতা সভাৰ মুখ্য অতিথি হিচাপে অংশগ্ৰহণ কৰে আন্তঃৰাষ্ট্ৰীয় ব্যৱসায়ী হাবিব মহম্মদ চৌধুৰীয়ে । সংখ্যালঘু উন্নয়ন সমাজ কল্যাণ সমিতি আৰু জে এফ ফাউণ্ডেশ্যনৰ মুৰব্বী হৈছে আন্তঃৰাষ্ট্ৰীয় ব্যৱসায়ী হাবিব মহম্মদ চৌধুৰী ।
সংখ্যালঘু ৰাইজৰ বিভিন্ন ধৰণৰ সমস্যাৰ বুজ লবলৈ চৌধুৰীয়ে নামনি অসমৰ বিভিন্ন প্ৰান্তত আকাশ মাৰ্গেৰে হেলিকপ্টাৰ লৈ সংখ্যালঘু প্ৰধান বিভিন্ন অঞ্চলত উপস্থিত হয়গৈ ৷ লগতে ৰাইজৰ সমস্যা সমূহক কেনেকৈ সমাধান কৰিব পাৰি সেই সন্দৰ্ভত সজাগতা সভাৰো আয়োজন কৰে ৷
উক্ত সভাত বিশিষ্ট অতিথি হিচাপে উপস্থিত থাকে সংখ্যালঘু উন্নয়ন বৰ্ড ও বিত্তীয় নিগমৰ সঞ্চালক আব্দুৰ ৰহিম জিবৰান। ৰহিম জিবৰানৰ একান্ত প্ৰচেষ্টাত চলিছে গোৱালপাৰা পশ্চিম সমষ্টিত জনজাগৰণ। সংখ্যালঘু প্ৰধান অঞ্চল সমূহত চলি থকা বাল্য বিবাহ, অন্ধ বিশ্বাস, কু-সংস্কাৰ দূৰীকৰণ, নাৰী শিক্ষা আৰু শিক্ষাৰ ওপৰত অধিক গুৰুত্বপূৰ্ণ ভাষণ প্ৰদান কৰে হাবিব মহম্মদ চৌধুৰীয়ে ।
লগতে পঢ়ক: আমিগাঁৱত ৰে’ল লাইনত উদ্ধাৰ যুৱকৰ মৃতদেহ
