গোৱালপাৰা, 16 জুলাইঃ বানৰ বিভীষিকাত আতংকিত নগৰবেৰা ৰাজহ চক্ৰৰ অন্তৰ্গত অৰ্ধশতাধিক গাঁওৰ পৰিয়াল। ইতিমধ্যে নগৰবেৰা ৰাজহ চক্ৰৰ অন্তৰ্গত আটাইকেইখন ৰাজহ গাঁও বানত ডুব যোৱাৰ লগতে বহিঃ জগতলৈ যোগাযোগ স্থাপন কৰা 9 টাকৈ পথ ব্যাহত হৈ পৰিছে। ইয়াৰোপৰি সমগ্ৰ অঞ্চলটোত বিদ্যুৎ বিভাগে অনিৰ্দিষ্ট কাললৈ বিদ্যুৎ কৰ্ত্তন কৰাৰ লগতে বিভিন্ন সতৰ্কতামূলক ব্যৱস্থা গ্ৰহণ কৰিছে । কিন্তু গুৰুত্বপূৰ্ণ বিষয় যে, ইয়াৰ পাছতো ৰাজহ চক্ৰ বিষয়াই কোনো লোক বানৰ কৱলত ক্ষতিগ্ৰস্ত হোৱা নাই বুলি হাস্যকৰ মন্তব্য দিয়াত ক্ষোভিত হৈ পৰিছে স্থানীয় লোকসকল ।
পানীৰ তলত নগৰবেৰাৰ আটাইকেইখন গাওঁ
