বিদ্যুতস্পৃষ্ট হৈ কৰুণ মৃত্যু এজন যুৱকৰ

কামৰূপ জিলাৰ বকো সমষ্টিৰ অন্তৰ্গত মন্দিৰাত সংঘটিত হয় এক শোকাৱহ ঘটনা ৷ ঘৰত ব্যৱহাৰ কৰা মটৰত বিদ্যুৎ সংযোগ দিবলৈ যাওতেই বিদ্যুতস্পৃষ্ট হৈ মৃত্যুক সাৱটি লয় নন্দলাল বিশ্বাস নামৰ যুৱকজনে। নন্দলাল বিশ্বাসৰ মৃত্যুত অঞ্চলটোত শোকৰ ছাঁ পৰিছে ৷

গোৱালপাৰা, 10 মাৰ্চ: সোমবাৰে কামৰূপ জিলাৰ বকো সমষ্টিৰ অন্তৰ্গত মন্দিৰাত সংঘটিত হয় এক শোকাৱহ ঘটনা ৷ ঘৰত ব্যৱহাৰ কৰা মটৰত বিদ্যুৎ সংযোগ দিবলৈ যাওতেই বিদ্যুতস্পৃষ্ট হৈ কৰুণ মৃত্যুক সাৱটি লয় নন্দলাল বিশ্বাস নামৰ যুৱকজনে। সহজ সৰল নন্দলাল বিশ্বাস নামৰ যুৱকজনে সোমবাৰে সন্ধিয়া নিজৰ ঘৰৰ পানী তোলা মটৰত বিদ্যুৎ সংযোগ দিবলৈ ধৰোতেই সংঘটিত হয় এই শোকাৱহ ঘটনাটো ৷

ঘটনা সংঘটিত হোৱা সময়ত যুৱকজনৰ ঘৰত নাছিল কোনো লোক ৷ বহু সময়ৰ পৰা বিদ্যুতস্পৃষ্ট হৈ অচেতন অৱস্থাত পৰি আছিল যুৱকজন ৷ পিচত পৰিয়ালৰ লোকে যুৱকজনক ততাতৈয়াকৈ হেকৰা ৰাজ্যিক চিকিৎসালয়ত ভৰ্তি কৰে যদিও চিকিৎসকে যুৱকজনক মৃত বুলি ঘোষণা কৰে ৷ তিনিটা সন্তানৰ পিতৃ নন্দলাল বিশ্বাসৰ এনে কৰুণ মৃত্যুৰ ঘটনাই এতিয়া অঞ্চলটোত গভীৰ শোকৰ ছাঁ পেলাইছে ৷