গোৱালপাৰা, 20 জুলাই: প্ৰতিবাদত নামিল গোৱালপাৰা দিব্যাংগ সন্থাৰ ৷ 2018-19 বৰ্ষত তৃতীয় আৰু চতুৰ্থ বৰ্গৰ পদৰ চাকৰিত নিযুক্তি দিয়াৰ কথা ঘোষনা কৰিছিল ৰাজ্য চৰকাৰে ৷ কিন্তু তৃতীয় বৰ্গৰ চাকৰি দিয়েই ক্ষান্ত থকাৰ অভিযোগ দিব্যাংগ সন্থাৰ ৷ মঙলবাৰে গোৱালপাৰা জিলাত দিব্যাংগ সকলক নিযুক্তি দিয়াৰ দাবীৰে প্ৰতিবাদ সাব্যস্ত কৰে সন্থাই ৷
ৰাজ্যৰ বিশ্ববিদ্যালয়সমূহে দিব্যাংগসকলৰ সাক্ষাৎকাৰ অনুষ্ঠিত কৰি মেধাৱীৰ তালিকা প্ৰস্তুত কৰাৰ নামত ব্যাপক খেলিমেলি কৰাৰ অভিযোগ দিব্যাংগ সন্থাৰ । ৫১৩ টা পদৰ বিপৰীতে প্ৰাৰ্থী বাচনি কৰাৰ নামত বিশ্ববিদ্যালয়সমূহে ৪,১৯৬ জনৰ এক তালিকা প্ৰস্তুত কৰা কাৰ্যত দালাল জড়িত থকাৰ অভিযোগ ।
দিব্যাংগসকলক চাকৰিত শীঘ্ৰেই নিযুক্তি নিদিলে গোৱালপাৰা জিলা দিব্যাংগ সন্থাই পৰৰ্বতী সময়ত ৰাজপথত নমাৰো হুংকাৰ দিয়ে ।
লগতে পঢ়ক: বৰ্ষাশ্ৰী বুঢ়াগোহাঁইক শীঘ্ৰে মুক্তিৰ দাবী ছাত্র সন্থাৰ
