নিউজ ডেস্ক, 27 নৱেম্বৰঃ বুধবাৰে ৰাজ্যৰ ভিন্ন প্ৰান্তত বিভিন্ন সমস্যাৰ দাবীত অব্যাহত থাকিল প্ৰতিবাদ ৷ সদৌ অসম ছাত্ৰ সন্থাকে ধৰি কেইবাটাও সংগঠনে ভিন্ন দাবী পূৰণৰ বাবে সাব্যস্ত কৰে প্ৰতিবাদ ৷
হাইলাকান্দিত কেবৰ প্ৰতিবাদত আছুৰ গণসত্যাগ্ৰহ । কেন্দ্ৰই খিলঞ্জীয়াৰ ভাষা-সংস্কৃতি নিঃশেষ কৰিবলৈ ষড়যন্ত্ৰ কৰাৰ অভিযোগ উত্থাপন কৰি প্ৰায় দুই শতাধিক জনতাই হাইলাকান্দিৰ ৰাজপথলৈ ওলাই আহি সাব্যস্ত কৰে প্ৰতিবাদ ।
আনহাতে, লখিমপুৰতো নাগৰিকত্ব সংশোধনী বিধেয়ক বাতিলৰ দাবীত প্ৰতিবাদ সাব্যস্ত কৰে অসম জাতীয়তাবাদী যুব পৰিষদে ৷ লখিমপুৰ নগৰৰ গৰীয়াজানত সংগঠনটোৰ কৰ্মী সকলে বিধেয়কখনৰ বাতিলৰ দাবীত দুঘণ্টীয়া অৱস্থান ধৰ্মঘট কাৰ্যসূচী ৰূপায়ন কৰি প্ৰতিবাদ সাব্যস্ত কৰে ৷
ঠিক একেদৰে, মহানগৰীৰ গুৱাহাটী ক্লাৱতো নাগৰিকত্ব সংশোধনী বিধেয়কৰ বিৰুদ্ধে প্ৰতিবাদ ৷ অসম জাতীয়তাবাদী যুৱ ছাত্ৰ পৰিষদে চৰকাৰ বিৰোধী বিভিন্ন শ্ল'গানেৰে সমদল উলিয়াই প্ৰতিবাদ সাব্যস্ত কৰে সংগটনটোৱে ৷
তাৰোপৰি শীঘ্ৰে বিশেষ টেটৰ বিজ্ঞাপন জাৰি কৰাৰ দাবীত সদৌ অসম সংযোগী শিক্ষা কৰ্মী সন্থাৰ প্ৰতিবাদ । গুৱাহাটী ক্লাৱৰ পৰা সমদল বাহিৰ কৰি প্ৰতিবাদ সাব্যস্ত কৰে কৰ্মীসকলে ৷ প্ৰতিবাদৰ অন্তত শিক্ষা মন্ত্ৰীলৈ স্মাৰক প্ৰেৰণ কৰে প্ৰতিবাদকাৰীসকলে ৷
বুধবাৰে ট্ৰাফিক সমস্যাৰ বাবেই প্ৰতিবাদত নামিল শিলচৰ চহৰৰ মহিলা সমাজ ৷ চহৰখনৰ পৰা যাত্ৰীবাহী যানবাহনৰ ষ্টেণ্ড সমূহ বাহিৰ কৰা বাবেই অঞ্চলটোত যানযটৰ উপৰিও সন্ধিয়া হ'লে পৰিৱেশ বিনস্ত দাবী উত্থাপন কৰি সাব্যস্ত কৰে প্ৰতিবাদ ৷
গোলাঘাটত গোলাঘাট জিলা অনুসূচিত জাতি ছাত্ৰ সন্থাৰ প্ৰতিবাদ । নুমলিগড় শোধনাগাৰত অনুসূচিত জাতিৰ পদত কৰ্মৰত অনা অসমীয়া জাতিৰ কৰ্মচাৰী সকলক নিলম্বন কৰা আৰু ভাৰতীয় চাহ বৰ্ডত দুৰ্নীতি তদন্তৰ দাবীত সাব্যস্ত কৰে এই প্ৰতিবাদ ।
আনহাতে, ছমাহ পৰ্যন্ত দৰমহা নাপায় প্ৰতিবাদত বহিল হাফলং জনস্বাস্থ্য কাৰীগৰি বিভাগৰ 282 গৰাকী কৰ্মচাৰী । ডিমা হাছাৱৰ চৰকাৰী বিভাগত দৰমহা অনলাইন ব্যৱস্থা হোৱাৰ পাচৰে পৰা বিগত মে' মাহৰ পৰা হাফলং জনস্বাস্থ্য কাৰীগৰি বিভাগৰ 282 গৰাকী কৰ্মচাৰী দৰমহাহীন হৈ পৰে । যাৰ বাবে নিজ প্ৰাপ্যৰ দাবীত বুধবাৰে প্ৰতিবাদত নামিল কৰ্মচাৰীসকল ৷
