বিজেপিত যোগদান কংগ্ৰেছ নেতা নামচেই হেংনাৰ

ডিমা হাছাওত কংগ্ৰেছৰ ভেটিত আঘাত হানি বিজেপি গমন উত্তৰ কাছাৰ পাৰ্বত্য স্বায়ত্ব শাসিত পৰিষদৰ প্ৰাক্তন ই এম তথা কংগ্ৰেছ নেতা নামচেই হেংনাৰ।

ডিমা হাছাও 17 মাৰ্চ: কংগ্ৰেছত আৰম্ভ খহনীয়াৰ ৷ ইজনৰ পিছত সিজন নেতাই এৰিছে এতিয়া কংগ্ৰেছৰ সংগ ৷

কংগ্ৰেছ দল ত্যাগ কৰি বিজেপিত যোগদান কৰিলে উত্তৰ কাছাৰ পাৰ্বত্য স্বায়ত্ব শাসিত পৰিষদৰ প্ৰাক্তন ইএম নামচেই হেংনাৰে ৷ মঙলবাৰে হাফলংৰ অটল বিহাৰী বাজপেয়ী ভৱনত ডিমা হাছাও জিলা বিজেপিৰ সভাপতি দনপাইনন থাওচেনৰ উপস্থিতিত কংগ্ৰেছ নেতা নামচেই হেংনাকে আনুষ্ঠানিকভাৱে বিজেপিত যোগদান কৰে ৷

আনহাতে উত্তৰ কাছাৰ পাৰ্বত্য স্বায়ত্ব শাসিত পৰিষদৰ প্ৰাক্তন ই এম নামচেই হেংনাৰৰ লগতে বিজেপি দলত আনুষ্ঠানিকভাৱে যোগদান কৰে উত্তৰ কাছাৰ পাৰ্বত্য স্বায়ত্ব শাসিত পৰিষদৰ প্ৰাক্তন প্ৰধান সচিব সুনিল নুনিচাৰেও ৷

দুয়োগৰাকী নেতাকে বিজেপি দলত আদৰণি জনায় উত্তৰ কাছাৰ পাৰ্বত্য স্বায়ত্ব শাসিত পৰিষদৰ ই এম চেমুয়েল চাংসন পাৰ্বত্য পৰিসদৰ সদস্য ঈশ্বৰী প্ৰসাদ যোশী আৰু ডিমা হাছাও জিলা বিজেপিৰ সাধাৰণ সম্পাদক সুজয় লাংথাচাইয়ে ।

লগতে পঢ়কঃমুকলি আকাশৰ তললৈ অহাৰ পথ প্ৰশস্ত অখিল গগৈৰ !!