হাফলং, 11 জানুৱাৰীঃ প্ৰধানমন্ত্ৰী ৰোজগাৰ আঁচনিৰ অধীনত ডিমা হাচাও উত্তৰ কাছাৰ পাৰ্বত্য জিলাত অনুষ্ঠিত কৰা হয় সচেতনতা শিৱিৰ ৷ জিলা সদৰস্থিত হাফলং সাংস্কৃতিক ভৱনত অনুষ্ঠিত হয় সচেতনতা শিৱৰটো ৷ শিৱিৰৰ সৈতে সংগতি ৰাখি জিলা শ্ৰমশিল্প বিভাগৰ হস্ততাঁত সপ্তাহ উপলক্ষে আয়োজন কৰে এখন প্ৰদৰ্শনী ৷
লগতে পঢ়কঃ হাফলং-শিলচৰ ঘাইপথ নিৰ্মাণৰ বাবে 54 কোটি 27 লাখ টকা মুকলি
অনুষ্ঠানত খাদী আৰু গ্ৰামোদ্যোগ আয়োগৰ উত্তৰ-পূৱৰ দায়িত্বত থকা মুখ্য কাৰ্যবাহী বিষয়া ড৹ সুকোমল দেৱৰ লগতে জিলা উপায়ুক্ত অমিতাভ ৰাজখোৱা উপস্থিত থাকে ৷ অনুষ্ঠানত অংশগ্ৰহণ কৰে জিলাখনৰ বিভিন্ন আত্মসহায়ক গোটৰ সদস্যসকলে ৷
প্ৰধানমন্ত্ৰী ৰোজগাৰ আঁচনিৰ অধীনত নিবনুৱাসকলে কিদৰে লাভৱান হ'ব পাৰে তাক অৱগত কৰায় ড৹ সুকোমল দেৱে ৷ আঁচনিৰ অধীনত নিবনুৱাসকলে নিজকে স্বনিৰ্ভৰশীল কৰি তুলিব পাৰে, তাক লৈ আলোকপাত কৰে জিলা উপায়ুক্ত অমিতাভ ৰাজখোৱাই ৷ অনুষ্ঠানত উত্তৰ কাছাৰ স্বায়ত্ব শাসিত পৰিষদৰ কাৰ্যবাহী সদস্য নিপোলাল হোজাইয়ো অংশগ্ৰহণ কৰে ৷
