ডিমা হাছাও, 16 এপ্ৰিল : প্ৰচণ্ড ধুমুহা আৰু বৰষুণৰ ফলত প্ৰাকৃতিক দুৰ্যোগৰ কৱলত পৰিছে অসমৰ অন্যতম পাহাৰীয়া জিলা ডিমা হাছাও (Heavy storm lashes Dima Hasao) । জিলাখনত বিগত তিনিদিন ধৰি চলা প্ৰচণ্ড ধুমুহা আৰু বৰষুণৰ ফলত শিলচৰ-সৌৰাষ্ট্ৰ ইষ্ট-ৱেষ্ট কৰিডৰ শিলচৰ-হাফলং 54 নং ৰাষ্ট্ৰীয় ঘাইপথ আৰু 27 ৰাষ্ট্ৰীয় ঘাইপথ বন্ধ হৈ আছিল ৷ যাৰ ফলত শতাধিক যানবাহন আবদ্ধ হৈ আছিল ৷
অৱশেষত শনিবাৰে দিনৰ 2 টা মান বজাত সাময়িকভাৱে সুচল কৰি তোলা হয় ৰাষ্ট্ৰীয় ঘাইপথটি । কিন্তু এনেদৰে বৰষুণ অব্যাহত থাকিলে আকৌ বন্ধ হৈ পৰিব পাৰে এই ৰাষ্ট্ৰীয় ঘাইপথটো (storm in Dima hasao ) । এই বৰষুণৰ ফলত জিলাখনৰ বিভিন্ন স্থানত ডাঙৰ ডাঙৰ গছ উঘালি পৰাৰ বাবে ব্যাপক ক্ষয়ক্ষতি হয় ৷ লগতে ধুমুহাৰ ফলত বহু ঠাইত মানুহৰ ঘৰ-দুৱাৰৰো ক্ষতি সাধন হয় ৷
ইমানেই নহয় নিপকৰ জিৰিবাম বিদ্যুৎ প্ৰকল্পৰ পৰা হাফলং অহা 132 কে ভি -ৰ লাইন সম্পূৰ্ণ বিকল হৈ পৰে ৷ যাৰ বাবে সমগ্ৰ ডিমা হাছাও জিলাত বিদ্যুৎ সংযোগ বিগত 24 ঘণ্টাৰ পৰা বিচ্ছিন্ন হৈ আছে ৷ ইপিনে প্ৰচণ্ড বৰষুণৰ ফলত ডিমা হাছাও জিলাত জনস্বাস্থ্য কাৰিকৰী বিভাগৰ পানীৰ গ্ৰেভেটি লাইন বেয়া হৈ পৰে ৷ ফলত পানীৰ সোঁতে আৰু পাহাৰৰ পৰা খহি পৰা মাটিয়ে পাইপ লাইনত ক্ষতিসাধন কৰা বাবে হাফলং চহৰত পানী সৰবৰাহ বন্ধ হৈ পৰে ।
লগতে পঢ়ক : প্ৰধানমন্ত্ৰীৰ ভ্ৰমণৰ পূৰ্বে পৰিস্থিতিৰ বুজ লʼবলৈ কাৰ্বি-আংলঙত মুখ্যমন্ত্ৰী
