47 সংখ্যক কাৰ্বি যুৱ মহোৎসৱৰ অভ্যৰ্থনা সমিতি গঠন

কাৰ্বি যুৱ মহোৎসৱৰ অভ্যৰ্থনা সমিতি গঠন ৷ ডিফুৰ তাৰালাংছস্থিত কাৰ্বি পিপুলছ হলত অনুষ্ঠিত এক সভাত সিদ্ধান্ত মৰ্মে কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰঙহাঙক বিত্ত উপ-সমিতিৰ অধ্যক্ষ হিচাপে বাচনি কৰা হয় ৷

ডিফু, 30 ডিচেম্বৰ : কাৰ্বি জনজাতি সকলৰ 47 সংখ্যক কাৰ্বি যুৱ মহোৎসৱৰ অভ্যৰ্থনা সমিতিখন বুধবাৰে গঠন কৰা হয় ৷ ডিফুৰ তাৰালাংছস্থিত কাৰ্বি পিপুলছ হলত অনুষ্ঠিত এক সভাত সিদ্ধান্ত মৰ্মে কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰঙহাঙক বিত্ত উপ-সমিতিৰ অধ্যক্ষ হিচাপে বাচনি কৰা হয় ৷

পৰিষদৰ কাৰ্যবাহী সদস্য মঙলচিং তিমুঙক সভাপতি, প্ৰাক্তন কাৰ্যবাহী সদস্য সূৰ্য ৰংফাৰক কাৰ্যকৰী সভাপতি, অশোক টেৰণ, নেলচন টেৰণ, ৰবি কুমাৰ ফাংচ', প্ৰাক্তন আই এছ বিষয়া জে আই কাথাৰক উপ-সভাপতিৰ দায়িত্ব অৰ্পন কৰা হয় ৷ একেদৰে, সাধাৰণ সম্পাদকৰ দায়িত্ব লাভ কৰে ৰিচাৰ্ড টকীবী, সহকাৰী সম্পাদকৰ হিচাপে দায়িত্ব লাভ কৰে ক্ৰমে, কে এন এল এফৰ অধ্যক্ষ পি দিলী, ৰামচিং টকবী, লাইচেন ইংলেং, মেৰিণা বেপী, আৰু কুংৰী টিমুঙপীয়ে ৷

কাৰ্যালয় সম্পাদক হিচাপে ক্ৰমে, গবিন তেৰাঙ, মিৰজেঙ ক্ৰ', লংচিং ৰংপি, সাংসদ হৰেণচিং বে' আৰু পাৰ্বত্য উন্ননয়ণ মন্ত্ৰী ছুম ৰংহাঙক উপদেষ্টা মণ্ডলী হিচাপে ৰখা হয় ৷ সভাত উপস্থিত থকা কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে ঘোষণা কৰে যে, আগন্তক 47 সংখ্যক কাৰ্বি যুৱ মহোৎসৱৰ বাবে কাৰ্বি আংলং স্বায়ত্ত শাসিত পৰিষদৰ তৰফৰ পৰা 1 কোটি টকা বাজেট গ্ৰহণ কৰা হৈছে ৷

লগতে পঢ়ক : সত্যৰঞ্জন বৰাক উভতি ধৰিলে মুক্তাৰ হুছেইন খানে