ডিমা হাছাও, 18 আগষ্ট : ডিমা হাছাও জিলাত কোভিড 19 ৰোগীৰ সংখ্যা 313 জনলৈ বৃদ্ধি হৈছে । সোমবাৰৰ পৰা অসমত আনলক থ্ৰি আৰম্ভ হৈছে । ইয়াৰ মাজতে যোৱা 24 ঘণ্টাত ডিমা হাছাও জিলাত 47 গৰাকী ব্যক্তি কোভিড 19 ৰোগত আক্ৰান্ত হৈছে । ডিমা হাছাও জিলাৰ বিভিন্ন স্থানত ৰেপিড এন্টিজেন টেষ্টত 47 গৰাকী ব্যক্তিৰ দেহত কোভিড 19 ধৰা পৰিছে বুলি জানিবলৈ দিয়ে স্বাস্থ্য বিভাগে । আনহাতে ডিমা হাছাও জিলাত কোভিড 19 ৰোগত আক্ৰান্ত 313 গৰাকী ৰোগীৰ মাজত ইতিমধ্যে 208 গৰাকী ৰোগী আৰোগ্য লাভ কৰি ঘৰলৈ উভতি গৈছে । বৰ্তমানত হাফলং অসামৰিক চিকিৎসালয়ত 75 গৰাকী ৰোগীৰ চিকিৎসা চলি আছে আৰু 30 গৰাকী ৰোগীৰ চিকিৎসা চলি আছে জিলাৰ বাহিৰত ।
লগতে পঢ়কঃ প্ৰাকৃতিক দুৰ্যোগে জুৰুলা কৰা ভাৰতত প্ৰয়োজন অত্যাৱশ্যকীয় পৰিকল্পনাৰ
