ডিমা হাছাও,30 জুলাইঃ বৃহস্পতিবাৰে ডিমা হাছাও জিলাত পুনৰ তিনি গৰাকী কোভিড-19 ত আক্ৰান্ত হয় । ডিমা হাছাও আৰু কাছাৰ জিলাৰ সীমান্তত থকা ডিটেকচৰা চেকপোষ্টত ৰেপিড এন্টিজেন টেষ্টত এজন ট্ৰাকৰ হেণ্ডিমেনৰ দেহত কোভিড-19ৰ উপস্থিতি ধৰা পৰে ।
ইপিনে বাহিৰৰ পৰা ডিমা হাছাও জিলালৈ আহি হাফলঙৰ জয়শ্ৰী হোটেলৰ কোৱাৰেন্টাইন চেন্টাৰত থকা এগৰাকী মহিলা আৰু 8 বছৰীয়া শিশুৰ দেহত কোভিড 19-ৰ উপস্থিতি ধৰা পৰে বুলি স্বাস্থ্য বিভাগৰ পৰা জানিব পৰা গৈছে। ইতিমধ্যে তিনি গৰাকী ৰোগীকে হাফলং অসামৰিক চিকিৎসালয়ৰ আইচলেচনত ভৰ্তি কৰোৱা হৈছে। উল্লেখ্য যে, ডিমা হাছাও জিলাত কোভিড-19 আক্ৰান্ত ৰোগীৰ সংখ্য 167 গৰাকী লৈ বৃদ্ধি পালে ৷ ইয়াৰে 149 গৰাকী ৰোগী ইতিমধ্যে সুস্থ হৈ ঘৰলৈ যাৱলৈ সক্ষম হৈছে ৷ বৰ্তমানে 18 গৰাকী ৰোগী হাফলং অসামৰিক চিকিৎসালয়ৰ আইচলেচন ৱাৰ্ডত চিকিৎসাধীন হৈ আছে বুলি জানিব পৰা গৈছে।
লগতে পঢ়কঃ ৩১ আগষ্টৰ পৰা বিধানসভাৰ চমু অধিবেশন
