ডিমা হাছাও, 22 এপ্ৰিলঃ ডিমা হাছাও জিলাৰ অসম-নাগালেণ্ড সীমান্তত থকা লেইকী গাঁৱত খাদ্যৰ বাবে হাহাকাৰ পৰিস্থিতিৰ সৃষ্টি হৈছে । উক্ত অঞ্চলত অসম আৰক্ষীয়ে যোগান ধৰিলে খোৱা খাদ্য সামগ্ৰী ৷
লক ডাউনৰ বাবে ৰাজ্যৰ লগতে অসম-নাগালেণ্ড সীমান্তৱৰ্তী অঞ্চলত এতিয়া তীব্ৰ খাদ্য সংকটে দেখা দিছে ৷ খোৱা খাদ্য সামগ্ৰীৰ বাবে হাহাকাৰ পৰিস্থিতিৰ সৃষ্টি হৈছে সাধাৰণ ৰাইজৰ। আনহাতে,দুখীয়া দৰিদ্ৰ লোকসকলে খোৱা খাদ্য সামগ্ৰী ক্ৰয় কৰিবলৈও ওলাই আহিব পৰা নাই। ইতিমধ্যে,ডিমা হাছাও জিলাৰ নাগালেণ্ড সীমান্তত থকা লেইকী গাঁৱলৈ অসমৰ মাহুৰ আৰক্ষী থানাৰ আৰক্ষীয়ে দুখীয়া ৰাইজৰ মাজত বিতৰণ কৰে খোৱা খাদ্য সমগ্ৰী । মাহুৰৰ পৰা 65 কিলোমিটাৰ দূূৰত থকা লেইকী গাঁৱৰ দুখীয়া লোক সকলক চাউল,দাইল,তেল আৰু বিভিন্ন খাদ্য সমগ্ৰী বিতৰণ কৰে অসম আৰক্ষীয়ে ৷ লক ডাউনৰ সময়ত অসম আৰক্ষীয়ে লোৱা এনে পদক্ষেপৰ বাবে ধন্যবাদ জনায় গাৱঁৰ ৰাইজে ।
