ডিমা হাছাও, 24 ডিচেম্বৰ : ডিমা হাছাও জিলাত উগ্ৰপন্থী সংগঠনৰ পৰা ধন দাবীৰ পত্ৰ পাই PMGYS আঁচনিৰ অধিনত পথ নিৰ্মাণৰ কাম মাজতেই সমৰিলে এইচপিএছআৰ জয়েণ্ট ভেঞ্চাৰ নামৰ নিৰ্মাণ সংস্থাই । উল্লেখ্য যে, ডিমা হাছাও জিলাৰ ডিডিৰোডৰ পৰা পালাইফাহাডি গাঁৱলৈকে PMGYS ৰ অধীনত সংযোগী পথ আৰু দিয়ুং নদীৰ ওপৰত দুখন কৈ আৰচিচি দলং নিৰ্মাণৰ 2019 চনৰ 4 ফেব্ৰুৱাৰীত দায়িত্ব লাভ কৰিছিল সংস্থাটোৱে ৷
পথ নিৰ্মাণৰ কাম 30 শতাংশ শেষ হোৱাৰ পূৰ্বেই মুঠ 13 কোটি টকা ব্যয়ত নিৰ্মিত এই পথ আৰু দলং নিৰ্মাণৰ কামৰ 15 শতাংশ ধন দাবী উগ্ৰপন্থী সংগঠনেল৷ ইয়াৰ পিচতেই কাম বন্ধ কৰি প্ৰকল্প স্থলীৰ পৰা সকলো যন্ত্ৰপাতি লৈ পলাই যায় নিৰ্মান সংস্থাটো ৷
গড়কপ্তানী কাৰ্যনিৰ্বাহ অভিযন্তা যোগমহন বড়োয়েন এই সন্দৰ্ভত কয়, প্ৰথমে এই প্ৰজেক্টৰ বাবে মুঠ 13 কোটি টকা মোকোলাই দিয়া হৈছিল আৰু 30 শতাংশ পথ নিৰ্মাণৰ কাম সম্পূৰ্ণ হোৱাৰ পিচত 3 কোটি 11 লাখ টকাৰ বিল মোকোলাই দিয়ে গৰকপ্তানী বিভাগে ৷ বৰ্তমান কভিড-19 ৰ বাবে প্ৰায় 7 মাহ ধৰি কাম বন্ধ আছিল এতিয়া উগ্ৰপন্থীৰ সংগঠনৰ ফালৰ পৰা ধন দাবীৰ অজুহাতত নিৰ্মাণ সংস্থাটোৱে কাম বন্ধ কৰি দিছে বুলি সাংবাদিকৰ আগত মন্তব্য প্ৰকাশ কৰে জগমোহন বড়োৱে ।
লগতে পঢ়ক:তেলেগু ভাষাক পশ্চিমবংগৰ চৰকাৰী ভাষাৰ তালিকাত অন্তৰ্ভুক্ত
