ডিমা হাছাও, 28 এপ্ৰিল : ডিমা-হাছাও জিলাত ভয়ংকৰ হাৰত বৃদ্ধি পাইছে ক'ভিড সংক্ৰমণ । বুধবাৰে ডিমা হাছাও জিলাত নতুনকৈ 13 গৰাকী দেহত ক'ভিডৰ উপস্থিতি পোৱা যায় । ইয়াৰ লগে লগে জিলাখনত ক'ভিডত আক্ৰান্ত ৰোগীৰ সংখ্যা 97 গৰাকী লৈ বৃদ্ধি হয় ।
ইফালে, হাফলং ড'নবস্ক উচ্চ মাধ্যমিক বিদ্যালয়ৰ এগৰাকী ছাত্ৰ দেহত ক'ভিডৰ উপস্থিতি পোৱাৰ পাচতে বিদ্যালয় খনত জিলা প্ৰশাসনৰ ফালৰ পৰা চেনিটাইজৰ ব্যৱস্থা কৰা হয় ৷ তদুপৰি ষ্টেট বেংক হাফলং শাখাৰ চাৰি গৰাকী কৰ্মচাৰী দেহত ক'ভিডৰ উপস্থিতি পোৱা পাচতে হাফলং শাখাটোত চেনিটাইজ কৰাৰ লগতে শাখাটোৰ সকলো কৰ্মচাৰীকে ক'ভিড পৰীক্ষা কৰা হয় বুলি জানিব পৰা গৈছে ৷
ডিমা হাছাও জিলাত ক'ভিডত আক্ৰান্ত 97 গৰাকী ৰোগীৰ মাজতে 17 গৰাকী ৰোগী ইতিমধ্যে সুস্থ হৈ উঠিছে । 14 গৰাকী ক'ভিড ৰোগীৰ হাফলং অসামৰিক চিকিৎসালয়ত চিকিৎসাধীন হৈ বিপৰীতে 76 গৰাকী ৰোগীৰ হোম আইচলেশ্যনত আছে ।
উল্লেখ্য যে, জিলাখনৰ কেইবাখনো শিক্ষানুষ্ঠানত শিক্ষক, ছাত্ৰ-ছাত্ৰীৰ দেহত ক'ভিডৰ উপস্থিতি পোৱাৰ পাচতো শিক্ষানুষ্ঠানৰ পাঠদান অব্যাহত আছে ৷ এনে ক্ষেত্ৰত অতি সোনকালে শিক্ষানুষ্ঠান সমূহ বন্ধ ৰাখিবলৈ ডিমা-হাছাও জিলা প্ৰশাসনত আহ্বান জনাইছে একাংশ সচেতন লোকে ৷
লগতে পঢ়ক: বোকাজানত ভয়ংকৰ পথ দুৰ্ঘটনা: নিহত এজন
