টিংখাং,18 ফেব্ৰুৱাৰীঃ নাগৰিকত্ব সংশোধনী আইন ২০১৯ বাতিলৰ দাবীত টিংখাঙত বিশাল প্ৰতিবাদী কাৰ্যসূচী ৷ টিংখাং আঞ্চলিক ছাত্ৰ সন্থা আৰু অসম জাতীয়তাবাদী যুৱ ছাত্ৰ পৰিষদৰ উদ্যোগত ৩০ জনগোষ্ঠীয় সংগঠন, টিংখাঙৰ সকলো ধৰ্মীয় অনুষ্ঠানৰ সহযোগত ‘টিংখঙীয়াৰ গৰ্জন’ শীৰ্ষক বিশাল প্ৰতিবাদী কাৰ্যসূচী অনুষ্ঠিত হয় ৷ উক্ত সভাত উপস্থিত থাকে আছুৰ সম্পাদক লুৰীণ জ্যোতি গগৈ ৷ সভাত ভাষণ প্ৰদান কৰি আছুৰ সম্পাদক গৰাকীয়ে কয় যে, নাগৰিকত্ব সংশোধনী আইন ২০১৯ৰ বিৰুদ্ধে অসমত ধাৰাবাহিক আন্দেলন গঢ়ি তোলা হ’ব ৷ অসমৰ জনতা কেতিয়াও দ্বিতীয় শ্ৰেণীৰ নাগৰিক হিচাবে জীয়াই নাথাকে । শ্বহীদৰ ত্যাগক কোনো কাৰণতে অথলে যাবলৈ দিয়া নহ’ব ৷ লগতে শাসনাধীন চৰকাৰৰ প্ৰলোভনৰ ৰাজনীতিত ভোল নাযাবলৈ লোকসকলক আহ্বান জনায় আছুৰ সম্পাদক গৰাকীয়ে ৷
উল্লেখ্য যে, টিংখাঙৰ বিভিন্ন ধৰ্মীয় অনুষ্ঠানৰ পৰা ধন সংগ্ৰহ কৰি নাগৰিকত্ব সংশোধনী আইন 2019ৰ বিৰুদ্ধে আইনী যুঁজৰ বাবে আছুৰ সম্পাদক গৰাকীৰ হাতত 88,200 টকা অৰ্পন কৰে ৷
লগতে পঢ়ক-বৰকোলা জলাহত বেদখল ! কুম্ভকৰ্ণ নিদ্ৰাত জিলা প্ৰশাসন
