ডিব্ৰুগড়, 24 আগষ্ট: ২০২২ বৰ্ষৰ হাইস্কুল শিক্ষান্ত পৰীক্ষাত(2022 HSLC exam) এজনো ছাত্ৰ-ছাত্ৰী উত্তীৰ্ণ নোহোৱা ৩৪ খন বিদ্যালয় চৰকাৰে বন্ধ কৰাৰ সিদ্ধান্ত গ্ৰহণ কৰিছে(Poor result school to close) ৷ এই খবৰৰ পিছতে মৰাণৰ এখন বিদ্যালয়ত শিক্ষক আৰু স্থানীয় ৰাইজৰ মাজত প্ৰতিক্ৰিয়া সৃষ্টি হৈছে ।
বন্ধ কৰিব খোজা বিদ্যালয়সমূহৰ ভিতৰত মৰাণৰ সমীপৰ ১ নং শিলপুতাস্থিত ছাত্ৰী কল্যাণ উচ্চ মাধ্যমিক বিদ্যালয়খনো পৰিছে (School of Moran to close)। এই বিদ্যালয়খনৰ ২০২২ বৰ্ষৰ মেট্ৰিক পৰীক্ষাত উত্তীৰ্ণ হাৰ শূণ্য আছিল । ১৯৮২ চনত স্থাপিত হোৱা বিদ্যালয়খন স্বীকৃতি পাইছিল ১৯৯৩ চনত । তেতিয়াৰ পৰাই ছাত্ৰীসকলক শিক্ষাদান কৰি অহা হৈছিল । বৰ্তমান ৪ গৰাকী শিক্ষক-শিক্ষয়িত্ৰী আছে যদিও এগৰাকীয়েও পাৰিশ্ৰমিক নাপায় (Non provincialised school at Moran)।
বিনা বেতনেৰে শিক্ষাদান কৰি অহাৰ পিছত বিদ্যালয়খন হঠাৎ চৰকাৰে বন্ধ কৰিব খোজাত ক্ষোভ প্ৰকাশ কৰিছে শিক্ষকসকলৰ লগতে স্থানীয় ৰাইজে । স্থানীয় ৰাইজৰ মতে চৰকাৰে আজিলৈকে কোনো অনুদান দি পোৱা নাই বিদ্যালয়খনলৈ (Satri Kalyan Girls School Moran)। ৰাইজৰ দান-বৰঙনিৰে বিদ্যালয়খনৰ আন্তঃগাঁথনি নিৰ্মাণ কৰাৰ লগতে সকলো চোৱা-চিতা কৰা হয় । শিক্ষক-শিক্ষয়িত্ৰী সকলেও অনেক কষ্ট কৰি বিদ্যালয়ত পাঠদান কৰে ।
বিদ্যালয়খন বন্ধ কৰি দিলে বিনা বেতনেই শিক্ষকতাৰ পৰা বিদায় মাগিব শিক্ষক-শিক্ষয়িত্ৰীসকলে । যাৰ বাবে এতিয়া চিন্তিত হৈ পৰিছে শিক্ষকসকল ।
লগতে পঢ়ক: বিদ্যালয় হ্ৰাস কৰাৰ বিপৰীতে সমগ্ৰ ব্যৱস্থাটোৰ পুনৰীক্ষণ কৰাৰ আহ্বান সমুজ্জ্বল কুমাৰ ভট্টাচাৰ্যৰ
