মৰাণ,৯ জুলাই : ডিব্ৰুগড়ৰ হোটেল গাৰ্ডেন ট্ৰীতত অনুষ্ঠিত হৈছে অসম প্ৰদেশ বিজেপিৰ বিষয়ববীয়া সভা (State BJP official meeting at Dibrugarh)। দিনজোৰা এই সভাক লৈ দলৰ নেতা-কৰ্মীৰ মাজত বিশেষ তৎপৰতা দেখিবলৈ পোৱা গৈছে । মুখ্যমন্ত্রী ড০ হিমন্ত বিশ্ব শৰ্মা, ৰাজ্যিক সভাপতি ভৱেশ কলিতাৰ উপস্থিতিত এই সভাত কেইবাটাও গুৰুত্বপূৰ্ণ বিষয়ত আলোচনা হ'ব । ইতিমধ্যে সভালৈ ভাৰতীয় জনতা পাৰ্টিৰ ৪০ খন সাংগঠনিক জিলাৰ সভাপতি, জিলা প্ৰভাৰী, সহ-প্রভাৰী আৰু ৰাজ্যিক মৰ্চাৰ সভাপতিসকলৰ আগমন হৈছে ।
সভাৰ বাবে ডিব্ৰুগড়ৰ বিজেপি নেতা-কৰ্মীসকলৰো বিশেষ ব্যস্ততা দেখিবলৈ পোৱা গৈছে । বিজেপিৰ বিষয়ববীয়াৰ সভাখনক লৈ একপ্ৰকাৰ গেৰুৱাময় হৈ পৰিছে চহৰখনৰ মূল বাট-পথ । দিল্লীৰ পৰা বাহিৰে বাহিৰে আহি মুখ্যমন্ত্রী ড০ হিমন্ত বিশ্ব শৰ্মাও ইতিমধ্যে উপস্থিত হৈছে ডিব্ৰুগড়ত ।
উল্লেখ্য যে হায়দৰাবাদত শেহতীয়াকৈ অনুষ্ঠিত বিজেপিৰ ৰাষ্ট্ৰীয় কাৰ্যনিৰ্বাহক সভাৰ পাছত এই সভা অতি গুৰুত্বপূৰ্ণ হিচাপে বিবেচিত হৈছে । কিয়নো ৰাষ্ট্ৰীয় কাৰ্যনিৰ্বাহকত গ্ৰহণ কৰা বিভিন্ন সিদ্ধান্ত সম্পৰ্কে এই বৈঠকত আলোচনা কৰা হ'ব । ইয়াৰোপৰি দলৰ সাংগঠনিক ভেটি শক্তিশালী কৰাৰ বাবে বিভিন্ন কাৰ্যপন্থা হাতত লোৱা হ'ব ।
জানিব পৰা মতে বিষয়ববীয়া সভাৰ লগত সংগতি ৰাখি ডিব্ৰুগড় আৰু লাহোৱাল বিধানসভা সমষ্টিৰ মুঠ ৯০ টা বুথ কেন্দ্ৰত 'বুথ সভা' অনুষ্ঠিত হ'ব । ৰাজ্যিক সভাপতি ভৱেশ কলিতাৰ লগতে সভাত উপস্থিত থকা ৰাজ্যিক বিষয়ববীয়াসকল, জিলা সভাপতিসকল আৰু জিলা প্রভাৰী, সহ প্রভাৰীসকলে প্ৰতিটো বুথলৈ গৈ বুথ সভাত অংশগ্রহণ কৰিব ।
লগতে পঢ়ক :আজি ডিব্ৰুগড়ত ৰাজ্যিক বিজেপিৰ বিষয়ববীয়া সভা
