মৰাণ, 27 এপ্ৰিল : প্ৰধানমন্ত্ৰী গৰাকীৰ ডিব্ৰুগড়ৰ আগমনক লৈ 28 এপ্ৰিলত স্থানীয় বন্ধ হিচাপে ঘোষণা কৰিছে ৰাজ্য চৰকাৰে (Assam govt announces local holiday on 28th April) । উক্ত দিনা সকলো ৰাজ্য চৰকাৰৰ অধীনষ্ঠ কাৰ্যালয় আৰু শিক্ষা প্ৰতিষ্ঠান বন্ধ কৰাৰ নিৰ্দেশ প্ৰদান কৰিছে ৰাজ্য চৰকাৰে ।
28 এপ্ৰিলত ডিব্ৰুগড়লৈ আহি প্ৰধানমন্ত্ৰীয়ে প্ৰায় দুশ কোটি টকা ব্যয় সাপেক্ষে অসম কেন্সাৰ কেয়াৰ ফাউণ্ডেছন আৰু টাটা ট্ৰাষ্টৰ তত্বাৱধানত ডিব্ৰুগড় কেন্সাৰ কেয়াৰ হাস্পতালখন আনুষ্ঠানিকভাৱে মুকলি কৰিব ৷ তাৰ পিছতেই খনিকৰৰ বিশাল জনসভাত অংশগ্ৰহণ কৰিব দেশৰ প্ৰধানমন্ত্ৰী নৰেন্দ্ৰ মোডীয়ে ।
একেলগে যোৰহাট, বৰপেটা, ডিফু, তেজপুৰ, লখিমপুৰ আদি স্থানত নিৰ্মাণ সম্পূর্ণ হোৱা ৰাজ্যৰ মুঠ সাতখন কেন্সাৰ হাস্পতালও মুকলি কৰিব প্ৰধানমন্ত্ৰী গৰাকীয়ে (PM Modi to inaugurate 7 cancer care hospital) ৷ সমান্তৰালকৈ অন্য সাতখন কেন্সাৰ হাস্পতালৰো উক্ত দিনা আধাৰশিলা স্থাপন কৰিব প্ৰধানমন্ত্ৰী গৰাকীয়ে ।
বৰ্ণাঢ্য এই অনুষ্ঠানত দেশৰ প্ৰধানমন্ত্ৰী গৰাকীৰ উপৰিও দেশৰ আগশাৰীৰ প্ৰতিষ্ঠিত ব্যবসায়ী ৰতন টাটায়েও অংশগ্ৰহণ কৰিব । নৰেন্দ্ৰ মোডীৰ আগমনক লৈ এতিয়া ঐতিহাসিক চহৰ ডিব্ৰুগড়ত চলিছে ব্যাপক প্ৰস্তুতি (Preparing for PM meeting in Dibrugarh) ।
লগতে পঢ়ক : PM Modi's Assam visit : ডিব্ৰুগড় চহৰে পাইছে প্ৰাণ ; গুৱা-পাণেৰে নিমন্ত্ৰণ ৰাইজক
