নাহৰকটীয়াত ক’লা পতাকা প্ৰদৰ্শন সাংসদ ৰামেশ্বৰ তেলীক

নাহৰকটীয়াত বছৰটোৰ দ্বিতীয় দিনাও নাহৰকটীয়া আঞ্চলিক ছাত্ৰ সন্থাই আইনখনৰ বিৰুদ্ধে তীব্ৰ প্ৰতিবাদ সাব্যস্ত কৰে ৷ নাহৰকটীয়া আঞ্চলিক ছাত্ৰ সন্থা আৰু অসম জাতীয়তাবাদী যুৱ ছাত্ৰ পৰিষদে বৃহস্পতিবাৰে সন্ধিয়া কেন্দ্ৰীয় মন্ত্ৰী তথা সাংসদ ৰামেশ্বৰ তেলীক ক’লা পতাকা প্ৰদৰ্শন কৰে ৷

নাহৰকটীয়া,3 জানুৱাৰীঃ নৱবৰ্ষৰ আনন্দ উলাহৰ মাজতেই ৰাজ্যৰ ঠায়ে-ঠায়ে অব্যাহত আছে নাগৰিকত্ব সংশোধনী আইন বিৰোধী প্ৰতিবাদ ৷ নাহৰকটীয়াত বছৰটোৰ দ্বিতীয় দিনাও নাহৰকটীয়া আঞ্চলিক ছাত্ৰ সন্থাই আইনখনৰ বিৰুদ্ধে তীব্ৰ প্ৰতিবাদ সাব্যস্ত কৰে ৷ নাহৰকটীয়া আঞ্চলিক ছাত্ৰ সন্থা আৰু অসম জাতীয়তাবাদী যুৱ ছাত্ৰ পৰিষদে বৃহস্পতিবাৰে সন্ধিয়া কেন্দ্ৰীয় মন্ত্ৰী তথা সাংসদ ৰামেশ্বৰ তেলীক ক’লা পতাকা প্ৰদৰ্শন কৰে ৷ সমান্তৰালকৈ নলবাৰীত আইনখনৰ বিৰোধিতা কৰা প্ৰতিবাদকাৰীৰ ওপৰত আৰক্ষীয়ে চলোৱা নিৰ্মম অত্যাচাৰ আৰু চৰকাৰী দমন নীতিৰ বিৰুদ্ধে মৰাণ তিনিআলিত টায়াৰ জ্বলাই তীব্ৰ প্ৰতিবাদ সাব্যস্ত কৰে ৷

আনহাতে, গণতান্ত্ৰিক আন্দোলনৰ ভাষা ৰূদ্ধ কৰিব বিচৰা শাসকীয় চৰকাৰখনক প্ৰতিবাদকাৰীসকলে সকীয়নি প্ৰদান কৰি কয় যে, প্ৰতিবাদকাৰীৰ পিঠিত যিমানে আৰক্ষীৰ লাঠিৰ কোব পৰিব গণতান্ত্ৰিক আন্দোলন সিমানে তীব্ৰতৰ হ’ব ৷

লগতে পঢ়ক-অসম ৰাজ্যিক চিৰিয়াখানাত বিশেষ যন্ত্ৰৰ সহায়ত উৎপাদন কৰা হ'ব ঘাঁহ