ডিব্ৰুগড় , 13 ডিচেম্বৰ : ডিব্ৰুগড় বিশ্ববিদ্যালয়ৰ জ্যোতি বাটচ'ৰাত আছুৰ নেতৃত্বত বিশ্ববিদ্যালয়ৰ ছাত্ৰ-ছাত্ৰীৰ গণ আন্দোলন ৷ বিশ্ববিদ্যালয়ৰ উপাচাৰ্য ড. ৰঞ্জিত তামুলীয়েও ছাত্ৰ-ছাত্ৰীৰ সৈতে বহি অংশগ্ৰহণ কৰিলে প্ৰতিবাদত ৷ উপাচাৰ্যগৰাকীয়ে গণতান্ত্ৰিক আন্দোলনলৈ সহযোগিতা আগবঢ়ায় ৷ প্ৰতিবাদস্থলীৰ পৰা শিক্ষাৰ্থীৰ হুংকাৰ তেজ দিম কেব হ'ব নিদিওঁ ৷ ইফালে বিশ্ববিদ্যালয়ৰ আছু গোটৰ হুংকাৰ, বিশ্ববিদ্যালয়ৰ লক্ষ্মীনাথ বেজবৰুৱা গ্ৰন্থাগাৰৰ পৰা আঁতৰাই নিয়ক দীনদয়াল উপাধ্যায়ৰ পুথি ।
অহিংসা নীতিৰে এফালে গণ আন্দোলন আনফালে কেব বিৰোধীয়ে কিছু ক্ষণৰ আগত ৰাজাভেটা আৰক্ষী চকীৰ ওচৰত উত্তপ্ত পৰিস্থিতিৰ সৃষ্টি কৰে ৷ কোমাৰনিচিগা 37 নং ৰাষ্ট্ৰীয় ঘাইপথৰ কাষত কেব বিৰোধীয়ে এখন স্ক'ৰপিঅ' ভাঙি চুৰ-মাৰ কৰে যদিও কোনো লোক আঘাতপ্ৰাপ্ত হোৱা নাই ৷ পৰিস্থিতি অধিক ভয়াৱহ হোৱা বাবে আৰক্ষীয়ে গুলীচালনা কৰিবলৈ বাধ্য হয় ৷
আৰু পঢ়ক : কেব আমি নামানো: মাজুলীৰ ৰাজপথত পীতাম্বৰ দেৱ গোস্বামীৰ হুংকাৰ
