ডিব্ৰুগড়, 15 ফেব্ৰুৱাৰী : ডিব্ৰুগড়ত দেওবাৰে সন্ধিয়া এগৰাকী মহিলাক এচিড ঢালি আক্ৰমণ কৰা ঘটনাৰ অভিযুক্ত এজন ব্যক্তিক গ্ৰেপ্তাৰ কৰিছে আৰক্ষীয়ে । অভিযুক্ত লোকজন বুদ্ধদেৱ দাস (50) ওৰফে এপেল দাস বুলি জানিব পৰা হৈছে ৷ দেওবাৰে নিশা ডিব্ৰুগড় আৰক্ষীয়ে গ্ৰেপ্তাৰ কৰিবলৈ সক্ষম হয় অভিযুক্ত লোকজনক ।
ডিব্ৰুগড়ত মহিলাক এচিদ ঢালি আৰক্ষীৰ হাতত আটক এজন
ডিব্ৰুগড় নগৰ উপ পৰিদৰ্শক মনোৰঞ্জন শইকীয়া আৰু আমোলাপট্টী আৰক্ষী চকীৰ ভাৰপ্ৰাপ্ত বিষয়া দ্বীপ সোনোৱালৰ নেতৃত্বত এটা দলে অভিযান চলাই গ্ৰেপ্তাৰ কৰে বুদ্ধদেৱ দাসক । বুদ্ধদেৱ দাস ডিব্ৰুগড়ৰ মোহিনিজ নামৰ এখন কাপোৰৰ দোকানৰ কৰ্মচাৰী । সোমবাৰে ডিব্ৰুগড়ৰ অতিৰিক্ত আৰক্ষী অধীক্ষকে এখন সংবাদমেল অনুষ্ঠিত কৰি ঘটনা সবিশেষ উল্লেখ কৰে ৷
লগতে পঢ়ক : অগপক ৪০খন আসন লাগিবই: ৰমেন্দ্ৰ নাৰায়ণ কলিতা
