নাহৰকটীয়া, 20মাৰ্চ: ৰাজ্যত নিৰ্বাচনী ব্যস্ততা মাজতেই বৃহস্পতিবাৰে নিশা নাহৰকটীয়াৰ চাচনীৰ শুকানী গাঁৱৰ এগৰাকী বিশেষভাৱে সক্ষম যুৱকৰ ঘৰত উপস্থিত হয় অসম জাতীয় পৰিষদৰ সভাপতি লুৰিণজ্যোতি গগৈ ৷ বিশেষ ভাবে সক্ষম যুৱক যুগ গগৈৰ ঘৰত নিশা আহাৰো গ্ৰহণ কৰে অসম জাতীয় পৰিষদৰ সভাপতি গৰাকীয়ে ৷
উল্লেখ্য যে, বিশেষ ভাবে সক্ষম যুৱক যুগ গগৈ মাতৃ হেমন্তী গগৈৰ সৈতে বসবাস কৰে ৷ বিশেষ ভাবে সক্ষম হোৱাৰ বাবে সভা সমিতিলৈ গৈ লুৰিণ জ্যোতি গগৈৰ ভাষণ শুনিব নোৱাৰে বিশেষ ভাবে সক্ষম যুৱক জনে ৷ সেয়ে লুৰিণৰ প্ৰতিটো ভাষণ মবাইলত শুনে যুৱক জনে । কিন্তু যুৱক জনৰ লুৰিণক ওচৰৰ পৰা চোৱাৰ দুৰ্বাৰ হেঁপাহ আছিল ৷ এই খবৰ লাভ কৰি বৃহস্পতিবাৰে শুকানীৰ এই দৰিদ্ৰ পৰিয়ালটোৰ বাসগৃহত উপস্থিত হ’ল অসম জাতীয় পৰিষদৰ সভাপতি লুৰিণ জ্যোতি গগৈ ।
সদায় ম’বাইল তথা টিভিত দেখি থকা মানুহ জনক নিচেই ওচৰৰ পৰা পাই উৎফুল্লিত হৈ পৰিল যুৱকজন ৷ লুৰিণৰ হাতেৰে নিশাৰ আহাৰো গ্ৰহণ কৰিলে যুৱকজনে ৷ আনকি এই দৰিদ্ৰ পৰিয়ালটোৰ গৃহতেই নিশাৰ আহাৰো গ্ৰহণ কৰিলে অসম জাতীয় পৰিষদৰ সভাপতি লুৰিণজ্যোতি গগৈয়ে ৷
লগতে পঢ়ক: তৃতীয় পৰ্য্যায়ৰ নিৰ্বাচনৰ মনোনয়ন দাখিল সন্দৰ্ভত ধুবুৰী জিলা উপায়ুক্তৰ সংবাদমেল
