কুইপৰ অপহৃত কৰ্মচাৰীদ্বয়ক মুকলি কৰি দিয়াৰ অনুৰোধ ড° নগেন শইকীয়াৰ

অপহৰণৰ দৰে পদ্ধতি যদি আলফাই নেৰে, তেন্তে সংগঠনটোৰ প্ৰতি অসমৰ মানুহৰ ভয়, ক্ষোভ সদাই থাকিব, কুইপৰ দুই বিষয়াৰ মুক্তিৰ অনুৰোধ সহ আলফাক লৈ কেইবাটাও গুৰুত্বপূৰ্ণ মন্তব্য ড' নগেন শয়কীয়াৰ ৷

ডিব্ৰুগঢ়,20 ফেব্ৰুৱাৰী : কুইপৰ অপহৃত কৰ্মচাৰীদ্বয়ক মুকলি কৰি দিয়াৰ অনুৰোধ জনাইছে বিশিষ্ট কথা শিল্পী ড° নগেন শইকীয়াই । আলফা স্বাধীনৰ মুখ্য সেনাধক্ষ্য পৰেশ বৰুৱাৰ প্ৰতি শণিবাৰে এই অনুৰোধ জনাইছে ড° নগেন শইকীয়াই । ইয়াৰ উপৰি অপহৰণৰ দৰে পদ্ধতি যদি আলফা স্বাধীনে নেৰে তেন্তে সংগঠনটোৰ প্ৰতি অসমৰ মানুহৰ ক্ষোভ, ভয় সদায়ে জাগি থকিব বুলিও প্ৰতিক্ৰিয়া প্ৰকাশ কৰিছে ড° নগেন শইকীয়াই ।

দুগৰাকী বিষয়া বা কৰ্মচাৰীৰ অপহৰণৰ অসমৰ কোনো লাভ নকৰে বুলিও মন্তব্য ড° নগেন শইকীয়াৰ । তদুপৰি ড° শইকীয়াই নিজৰ লক্ষ্য উদেশ্যৰ পৰা আঁতৰি নগৈ, অসমীয়া ভাষা সংস্কৃতি, জাতিটো কিদৰে ৰক্ষা কৰিব পাৰি তাৰ ওপৰতহে গুৰুত্ব দিয়া উচিত বুলি মন্তব্য কৰে ।‌

লগতে পঢ়ক: মানৱীয়তাৰ খাতিৰত QUIPPO ৰ দুই বিষয়াক মুক্তি দিয়ক: মুখ্যমন্ত্ৰী সোণোৱাল