ডিব্ৰুগড়, 29 মে’ : প্রাচীন কালৰে পৰাই মুগা শিল্পই অসমক সুকীয়া মৰ্যদা প্ৰদান কৰি আহিছে (Assam's pride muga) । অতি সম্প্রতি জলবায়ুগত কাৰণতে অসমত মুগাৰ উৎপাদন উদ্বেগজনক হাৰত হ্রাস পাইছে । তথাপিও মুগা উৎপাদন কৰি জীৱিকাৰ বাট বুলিছে বহু মুগা পালকে । ক্ৰমাৎ লুপ্তপ্ৰায় এই মুগা খেতিত ব্যস্ত উজনি অসমৰ আদৰ্শ মুগা পালকসকল । মুগা পালনেৰে স্বাৱলম্বীতাৰ এক সুন্দৰ নিদৰ্শন দাঙি ধৰিছে মৰাণৰ কেইজনমান ব্যক্তিয়ে ৷
মৰাণৰ নাহৰণি ন-পথাৰৰ এখন চুমনিত এনেদৰেই মুগা পালনত ব্যস্ত ব্যক্তিকেইজন (Muga farming) । বৰ মুগা পালন কৰি ব্যক্তিকেইজনে প্ৰতি বছৰে উপাৰ্জন কৰে ধন । চৰকাৰৰ ৰেচম বিভাগৰ কোনো ধৰণৰ সহায়তা অবিহনেই ব্যক্তিকেইজনে নিজা প্ৰচেষ্টাৰেই চলাই গৈছে এই মুগা ব্যৱসায় (Muga farming in Moran) । অসমৰ মুগাৰ সোণোৱালী সূতাৰ বিশ্বত এক সুকীয়া পৰিচয় আছে যদিও চৰকাৰৰ ৰেচম বিভাগে এই বিষয়ত তেনে কোনো পদক্ষেপ গ্ৰহণ কৰা পৰিলক্ষিত হোৱা নাই । তৎসত্ত্বেও নাহৰণি গাঁৱৰ ব্যক্তিকেইজনে এই উদ্যোগটো জীয়াই ৰখাৰ চেষ্টা অব্যাহত ৰাখিছে ।
প্ৰায় ৩৫ দিনীয়া কাৰ্যসূচীৰে গাঁওখনৰ ৮ জন ব্যক্তিয়ে ১০ বিঘা মাটিৰ চুমনিত পালন কৰিছে এই মুগা (Muga farming in Assam) । কিন্তু দুখৰ কথা যে অসমৰ গ্ৰাম্য অৰ্থনীতিৰ বুনিয়াদ সবল কৰি পৰিয়াল পোহপাল দিয়া এই সকল আদৰ্শ মুগা পালকে আজিও লাভ কৰা নাই চৰকাৰী সাহাৰ্য ।
মুগা পালকসকলে এতিয়া চৰকাৰী সহায়ৰ বাবে আৰু মুগাৰ লগতে সূতাৰ উপযুক্ত মূল্য দিবলৈ ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাক কাতৰ আহ্বান জনাইছে (Muga herder) । ব্যক্তিকেইজনৰ আশা চৰকাৰে যদি এই ব্যৱসায়টোক গুৰুত্ব দিয়ে তেন্তে সোণোৱালী সূতা প্ৰস্তুত কৰিও বহু সংখ্যক নিবনুৱাই ভৱিষ্যতে সংস্থাপনৰ পথ পাবলৈ সক্ষম হ’ব ।
লগতে পঢ়ক : Road Accident in Guwahati: মহানগৰীৰ খানাপাৰাত গভীৰ খাৱৈত বাগৰি পৰিল চাৰিচকীয়া বাহন
