মৰাণ,৩০ মে': ডিব্ৰুগড়ত অব্যাহত আছে কৰ'ণাৰ সংক্ৰমণ । জিলাখনত শনিবাৰৰ দিনটোত নতুনকৈ আক্ৰান্ত ৪৯ গৰাকীকৈ লোক । খোৱাং প্ৰাথমিক স্বাস্থ্য কেন্দ্ৰৰ অন্তৰ্গত বিভিন্ন স্বাস্থ্য আৰু উপস্বাস্থ্য কেন্দ্ৰত ৩৭ গৰাকী লোকৰ দেহত ধৰা পৰে ভাইৰাছৰ অৱস্থিতি । ইয়াৰ লগে লগে খোৱাং প্ৰাথমিক স্বাস্থ্য কেন্দ্ৰৰ অধীনত ধৰা পৰা ৰোগীৰ সংখ্যা ১,৯২৩ গৰাকীলৈ বৃদ্ধি পালে ।
ক'ভিড আক্ৰান্তসকলৰ ১০ জনক মৰাণ নৱোদয় বিদ্যালয়, অসম চিকিৎসা মহাবিদ্যালয় ক'ভিড কেয়াৰ চেণ্টাৰ, ভামুন চাহ বাগিচা আইচ'লেচন ৱাৰ্ড আদিত ৰখা হৈছে আৰু বাকীসকলক হোম আইচ’লেচনত ৰখা হৈছে । আনহাতে চৰাইদেউ জিলাৰ পাটসাঁকো প্ৰাথমিক স্বাস্থ্য কেন্দ্ৰৰ মাহমৰা ৰাজহ চক্ৰ বিষয়া কাৰ্যালয়ৰ অন্তৰ্গত অঞ্চলত ১২ জন লোকৰ দেহত কৰ'ণা ভাইৰাছৰ অৱস্থিতি ধৰা পৰে ।
জিলাখনত ক'ভিড ৰোগীৰ সংখ্যা বৃদ্ধিৰ লগে লগে এতিয়া তৎপৰ হৈছে প্ৰশাসন । বিভিন্ন স্থানত ক'ভিড কেয়াৰ চেণ্টাৰ নিৰ্মাণ কৰাৰ বাবে তৎপৰ হৈছে । ইতিমধ্যে বৰবৰুৱাস্থিত ৰামেশ্বৰ উচ্চতৰ মাধ্যমিক বিদ্যালয়ত সাজু কৰা হৈছে ৯৩ খন বিচনাযুক্ত ক'ভিড কেয়াৰ চেণ্টাৰ । ডিব্ৰুগড় জিলা উন্নয়ন আয়ুক্ত পার্থ প্ৰতীম বৈৰাগীয়ে ডিব্ৰুগড়ৰ বৰবৰুৱাস্থিত ৰামেশ্বৰ উচ্চতৰ মাধ্যমিক বিদ্যালয়ত উপস্থিত হৈ ক'ভিড চেণ্টাৰ পৰিদৰ্শন কৰে আৰু উপলব্ধ ব্যৱস্থা সমূহৰ বুজ লয় ।
লগতে পঢ়ক: মুখ্যমন্ত্ৰীৰ পুঁজিলৈ আৰ্থিক সাহায্য প্ৰদান হকাৰ ড৹ নুৰ মহম্মদ আলীৰ
