মৰাণ,৮ ডিচেম্বৰ: ডিব্ৰুগড় জিলাৰ মোহনবাৰী গাঁও পঞ্চায়তৰ নৱ-নিৰ্মিত কাৰ্যালয়টোৰ বুধবাৰে শুভ উদ্ধোধন কৰে পঞ্চায়ত আৰু গ্ৰামোন্নয়ন মন্ত্ৰী ৰণজিৎ কুমাৰ দাসে (Mohanbari gram panchayat office inaugurated)। মোহনবাৰী গাঁও পঞ্চায়তৰ সভাপতি ৰঞ্জন বৰুৱাৰ কাৰ্যকালত প্ৰায় ৭৫ লাখ টকাৰে নিৰ্মাণ কৰা পঞ্চায়তৰ কাৰ্যালয়টো উদ্ধোধন কৰে মন্ত্ৰীগৰাকীয়ে ।
উল্লেখ্য় যে জিলাখনৰ ভিতৰতে প্ৰথমটো আটকধুনীয়া গাঁও পঞ্চায়তৰ কাৰ্যালয় নিৰ্মাণ কৰিলে পঞ্চায়তখনৰ কৰ্তৃপক্ষই । মোহনবাৰী গাঁও পঞ্চায়তৰ কাৰ্যালয়টো উদ্বোধন কৰি গ্ৰামোন্নয়ন মন্ত্ৰীগৰাকীয়ে কয়, "ৰাজ্যখনৰ ভিতৰত এটা ব্যতিক্ৰমী কাৰ্যালয় মুকলি কৰিবলৈ পাই ভাল লাগিল (Minister Ranjit Kumar Das in Dibrugarh) । ৰাজ্যৰ সকলো পঞ্চায়তৰ সভাপতি আৰু সচিবে নিজৰ কাৰ্যালয়সমূহ নিৰ্মাণৰ বাবে এইদৰে চেষ্টা কৰক । পঞ্চায়তৰ কাৰ্যালয়সমূহৰ উন্নয়ন হ'লেহে পঞ্চায়তৰ কামকাজ উন্নত হ'ব ।"
গাঁৱৰ ৰাইজৰ নিজৰ সমস্যাসমূহ লৈ পঞ্চায়তত উপস্থিত হ'লে যাতে মন ভাল লগা পৰিবেশ এটি দেখা পায় ৷ তেনে এক পৰিৱেশ সৃষ্টি কৰিবলৈ সকলোকে আহ্বান জনাই গ্ৰামোন্নয়ন মন্ত্ৰী ৰণজিৎ কুমাৰ দাসে । উদ্ধোধনী অনুষ্ঠানটোত স্থানীয় বিধায়ক বিনোদ হাজৰিকা, পঞ্চায়ত আৰু গ্ৰামোন্নয়ন বিভাগৰ সচিব মুনীন্দ্ৰ শৰ্মাৰ লগতে উপায়ুক্ত বিশ্বজিৎ পেগুসহ কেইবাগৰাকী বিশিষ্ট ব্যক্তি উপস্থিত থাকে ( MLA Vinod Hazarika) ।
