ডিব্ৰুগড়, 29 এপ্ৰিলঃ ডিব্ৰুগড়ৰ লালুকাত স্থানীয় যুৱকক আৰক্ষীয়ে প্ৰহাৰ কৰাক লৈ সৃষ্টি উত্তপ্ত পৰিস্থিতিৰ । আমোলাপট্টি আৰক্ষী চকীৰ গৃহৰক্ষী এজনে যুৱকক লক্ ডাউনৰ মাজতে গুৰুতৰভাৱে প্ৰহাৰ কৰাৰ লগতে, মহিলাকো পুৰুষ আৰক্ষীৰ দ্বাৰা আক্ৰমণ কৰা বুলি অভিযোগ উত্থাপন কৰিছে । উল্লখ্য যে, বুধবাৰে দিনৰ ভাগত জুলু আহমেদ নামৰ এজন স্থানীয় যুৱকক নিজৰ গেলামালৰ দোকানৰ পৰা মাতি আনি মাস্ক নিপিন্ধাৰ অভিযোগত প্ৰহাৰ কৰে এজন গৃহৰক্ষীয়ে । সেই সময়তে যুৱকজনক আক্ৰমণ কৰোঁতে বাধা দিবলৈ যোৱা মহিলাকো পুৰুষ আৰক্ষীয়ে আক্ৰমণ কৰা বুলি উল্লেখ কৰে একাংশই ।
আনহাতে সমগ্ৰ ঘটনাৰ বুজ ল'বলৈ ঘটনাস্থলীত উপস্থিত হোৱা ডিব্ৰুগড়ৰ অতিৰিক্ত আৰক্ষী অধীক্ষক পদ্মনাভ বৰুৱাই লিখিত গোচৰৰ ভিত্তিত, বিষয়টোক লৈ তদন্ত আৰম্ভ কৰিব বুলি জানিবলৈ দিয়ে । ক্ষোভিত স্থানীয় লোকে গৃহৰক্ষী গৰাকীক নিলম্বনৰো দাবী জনাইছে ।
লগতে পঢ়কঃ আৰক্ষী হেড কনিষ্টবলৰ আত্মহত্যা
