মৰাণ, 12 মে’ : সমগ্ৰ দেশজুৰি কৰ’ণাৰ দ্বিতীয় ঢৌৱে ত্ৰাসৰ সৃষ্টি কৰাৰ সময়তে ডিব্ৰুগড় জিলাৰ খোৱাঙৰ সোণোৱাল বঙালী গাঁৱত আগমণ ঘটিছে শতাধিক বগলীৰ ৷ ভিন্ন প্ৰজাতিৰ বগলী গাঁওখনৰ দিলীপ হাজৰিকা নামৰ লোকজনৰ বাসগৃহৰ চৌহদৰ বাঁহনিত দেখিবলৈ পোৱা গৈছে ।
প্ৰতিবছৰে ছমাহৰ বাবে লোকজনৰ বাৰীৰ বাঁহনিতে আশ্ৰয় লোৱা বগলীবোৰে পোৱালী জগাই তাতেই পোহ-পাল দিয়া পৰিলক্ষিত হৈছে । বগলীৰ বাসস্থান হৈ পৰা বাঁহনিখনৰ গৰাকী দিলীপ হাজৰিকাই জানিবলৈ দিয়া মতে, বিগত বহু বছৰৰ পৰা প্ৰতিবছৰে ছমাহৰ বাবে শতাধিক বগলী তেওঁৰ বাঁহনিলৈ আহে ।
কিছুসংখ্যক লোকে বগলী চিকাৰ কৰিবলৈ চেষ্টা কৰে যদিও তেওঁ বাধা দি বগলীবোৰক সুৰক্ষা প্ৰদান কৰে ৷ সেইবাবেই এইদৰে প্ৰতিবছৰে বগলী আহি তেওঁ বাঁহনিত বাহৰ পাতে ৷
এইদৰে বিভিন্ন প্ৰজাতিৰ বগলীৰ আগমণে বাৰীখনত এক সুকীয়া পৰিৱেশৰ সৃষ্টি কৰিছে ।
লগতে পঢ়ক : পুৰণিগুদামত দিন দুপৰতে প্ৰৱঞ্চকে লুটিলে নগদ ধন
