ডিব্ৰুগড়, 8 জুলাই : ডিব্ৰুগড় জিলাৰ পাঁচআলিত বুধবাৰে সৃষ্টি হয় চাঞ্চল্যকৰ পৰিস্থিতি । কৰ'ণা আক্ৰান্ত পৰিয়ালৰ স্বাৱ সংগ্ৰহ কৰিবলৈ গৈ বিপাঙত পৰে স্বাস্থ্য বিভাগৰ দল তথা আৰক্ষী। কেইবাঘণ্টা ধৰি এগৰাকী মহিলাই ব্যতিব্যস্ত কৰে স্বাস্থ্য বিভাগ আৰু আৰক্ষী প্ৰশাসনৰ লোকক । পাঁচআলিৰ একেটা পৰিয়ালৰ তিনি জন লোক ক'ভিড-19ত আক্ৰান্ত হোৱাৰ পাচত পৰিয়ালৰ লোকৰ স্বাৱ সংগ্ৰহ কৰাৰ বাবে উপস্থিত হৈছিল স্বাস্থ্য বাবে ভাগৰ লোক । পৰিয়ালৰ অন্যান্য সকলে স্বাৱ দিয়ে যদিও চাহেৰা বেগম নামৰ এগৰাকী মহিলাৰ স্বাৱ সংগ্ৰহ কৰাৰ সময়তে উতপ্ত পৰিস্থিতিৰ সৃষ্টি হয় ।
স্বাস্থ্য বিভাগৰ লোকক স্বাৱ দিবলৈ অমান্তি হোৱা মহিলা গৰাকীক স্বাস্থ্য বিভাগৰ লোক, আৰক্ষী আৰু ওচৰ চুবুৰীয়াই বহু বুজায় যদিও আকোৰগোজ হৈ থাকে তেওঁ। ইতিমধ্য একেটা পৰিয়ালৰ তিনিজন লোকৰ দেহত covid-19 পোৱা গৈছে । কন্টেইনমেন্ট জ'ন ৰূপে চিহ্নিত বাসগৃহটোত ৩ ঘন্টা জুৰি আৰক্ষী, চিকিৎসক তথা নাৰ্চক বিপাঙত পেলায় মহিলা গৰাকীয়ে। পত্নীক স্বাৱ টেষ্ট কৰিবলৈ বুজায় বুজায় ভাগৰি পৰে তেওঁৰ স্বামী । কিন্তু কোনো কাৰণতে মহিলা গৰাকীয়ে টেষ্ট নকৰে। যাৰ ফলত খঙত জাঙুৰ খাই উঠে স্থানীয় ৰাইজো । অৱশেষত কোনো উপায়েৰে স্বাৱ সংগ্ৰহ কৰা হয় মহিলাগৰাকীয়ে ৷
লগতে পঢ়ক : COVID-19ত আক্ৰান্ত প্ৰাক্তন সাংসদ সুস্মিতা দেৱ
